جەكسەنبى جانە دۇيسەنبى كۇندەرى ەلباسى نۇرسۇلتان نازارباەۆ قىزىلوردا وبلىسىنا ارنايى جۇمىس ساپارىمەن باردى.
«ايتىلماعان ءسوز – جەتىم» دەيدى قازاق. سەنبى مەن جەكسەنبى ەجەلدەن ۇكىمەتتىڭ قيىپ بەرگەن دەمالىس كۇندەرى عوي. دەگەنمەن, كۇننىڭ جەكسەنبى ەكەنىنە قاراماستان سىردىڭ بويىنا جۇمىس ساپارىمەن كەلگەن ەلباسىنىڭ ارەكەتىن ەلگە, جەرگە, مەملەكەتكە, حالىققا دەگەن اسا ۇلكەن جاناشىرلىق دەپ ءتۇسىندىك. ويتكەنى, ۇلتتىڭ ۇلى مۇراتىن ارقالاعان قايراتكەرگە قاي كۇن, قاي مەزگىل ەكەنى ماڭىزدى ەمەس. باستىسى, ەلدىڭ جايىن, حال-احۋالىن ءوز كوزىمەن كورۋ, بىتكەن ىسپەن تانىسۋ, اياعىنا دەيىن جەتپەي جاتقان شارۋانىڭ سەبەبىن ءبىلۋ بولسا كەرەك.
جەكسەنبى جانە دۇيسەنبى كۇندەرى ەلباسى نۇرسۇلتان نازارباەۆ قىزىلوردا وبلىسىنا ارنايى جۇمىس ساپارىمەن باردى.
«ايتىلماعان ءسوز – جەتىم» دەيدى قازاق. سەنبى مەن جەكسەنبى ەجەلدەن ۇكىمەتتىڭ قيىپ بەرگەن دەمالىس كۇندەرى عوي. دەگەنمەن, كۇننىڭ جەكسەنبى ەكەنىنە قاراماستان سىردىڭ بويىنا جۇمىس ساپارىمەن كەلگەن ەلباسىنىڭ ارەكەتىن ەلگە, جەرگە, مەملەكەتكە, حالىققا دەگەن اسا ۇلكەن جاناشىرلىق دەپ ءتۇسىندىك. ويتكەنى, ۇلتتىڭ ۇلى مۇراتىن ارقالاعان قايراتكەرگە قاي كۇن, قاي مەزگىل ەكەنى ماڭىزدى ەمەس. باستىسى, ەلدىڭ جايىن, حال-احۋالىن ءوز كوزىمەن كورۋ, بىتكەن ىسپەن تانىسۋ, اياعىنا دەيىن جەتپەي جاتقان شارۋانىڭ سەبەبىن ءبىلۋ بولسا كەرەك.
ەلباسى ساپارىنىڭ العاشقى كۇنىن جاڭا وقۋ جىلىندا اشىلعان «نازارباەۆ زياتكەرلىك مەكتەبىنىڭ» جۇمىسىمەن تانىسۋدان باستادى. سوڭعى جىلداردا رەسپۋبليكانىڭ قاي تۇكپىرىندە بولماسىن سونداي وقۋ ورىندارى اشىلىپ جاتىر. وندا ۇلكەن ىرىكتەۋدەن, سۇرىپتاۋدان وتكەن تالانتتى بالالار ءبىلىم الادى. بۇگىندە ەلىمىز بويىنشا «نازارباەۆ زياتكەرلىك مەكتەبىن» تامامداعان 1003 بالا بار. بۇل مەكتەپتى ءبىتىرگەن وقۋشىلاردىڭ 93 پايىزى مەملەكەتتىك گرانتتاردى يەلەنىپ, جوعارى وقۋ ورىندارىنا تۇسكەن. ال ولاردىڭ 26 پايىزى «نازارباەۆ ۋنيۆەرسيتەتىنىڭ» تۇلەكتەرى. اتالعان كورسەتكىشتىڭ ءوزى مەكتەپ دەڭگەيىنىڭ قانشالىقتى ەكەنىن دالەلدەپ تۇر. وسى كۇنى رەسپۋبليكادا 15 «نازارباەۆ زياتكەرلىك مەكتەبى» جۇمىس ىستەيدى. ونىڭ ءبىرى قىزىلوردادا اشىلدى. الداعى ۋاقىتتا الماتىدا ەكى, پەتروپاۆل, قوستاناي, اقتاۋ قالالارىندا ءبىر-بىردەن مەكتەپ اشۋ جوسپاردا بار.
سىر وڭىرىندە بوي كوتەرگەن زاماناۋي ۇلگىدەگى 720 ورىندىق ءزاۋلىم عيماراتتىڭ ءوزى قالاعا ءوڭ بەرىپ تۇر دەسەك, ارتىق ايتپاعان بولار ەدىك. زياتكەرلىك مەكتەپكە وبلىستىڭ بارلىق ايماعىنان دارىندى, تالانتتى وقۋشىلار قابىلداندى. ساباق ءۇش تىلدە جۇرگىزىلەدى. العاشقى 7 جانە 9-سىنىپتاردا وقىتىلاتىن ساباق ءبىلىم بەرۋ ورتالىعىنىڭ باعدارلاماسى اياسىندا بولسا, 9-11-سىنىپ وقۋشىلارى حالىقارالىق ستاندارتقا ساي ءتالىم الادى. الىستان كەلىپ وقيتىن بالالارعا بارلىق جاعداي جاسالعان. سونىڭ دالەلى رەتىندە 120 ورىندىق جاتاقحانانى ايتار ەدىك. قىزىلورداداعى «نازارباەۆ زياتكەرلىك مەكتەبى» حيميا جانە بيولوگيا ءپانى بويىنشا تەرەڭدەتىپ وقىتادى. سونىمەن قاتار, تاعى ءبىر ەرەكشەلىگى رەتىندە ەكونوميكا, ەكولوگيا, قازىرگى الەمدەگى قازاقستان اتتى ارنايى كابينەتتەردىڭ اشىلعانى. مۇندا بالالار ءار سالا بويىنشا جان-جاقتى اقپارات الىپ, بىلىمدەرىن جەتىلدىرەدى. اتالعان وقۋ وشاعى جاڭا كومپيۋتەرلىك جۇيەمەن, مۋلتيمەديالىق كابينەتتەرمەن, ينتەراكتيۆتى تاقتالارمەن, يننوۆاتسيالىق باعدارلامالار جۇيەسىمەن تولىق قامتىلعان. مەكتەپتە ءبىلىم الۋ ءۇشىن 4001 بالا ءوتىنىش بىلدىرگەن. ولاردىڭ اراسىنان سۇرىپتالىپ 553 وقۋشى «نازارباەۆ زياتكەرلىك مەكتەبىنىڭ» وقۋشىسى اتانعان. ءتىپتى, مۇعالىمدەردىڭ ءوزى سىناق ارقىلى قابىلدانعان. سونىڭ ناتيجەسىندە 93 مۇعالىم بۇگىندە وقۋشىلارعا ءبىلىم بەرىپ جاتىر. ولاردىڭ ىشىندەگى 53 ۇستاز ءۇش دەڭگەيلى كونكۋرستىڭ ناتيجەسىندە قابىلدانعان. مۇنىڭ ءوزى تالاپتىڭ وتە كۇشتى ەكەنىن اڭعارتسا كەرەك.
– بىرىنشىدەن, ەلدەگى بالالاردىڭ بارلىعى تالانتتى, دارىندى ەمەس. ءومىردىڭ شىندىعى وسى عوي. سوندىقتان اتا-انالار بالالارى «نازارباەۆ زياتكەرلىك مەكتەبىنە» تۇسە الماي قالىپ جاتسا رەنجىمەۋى كەرەك. مۇندا تەك تالانتتى بالالار عانا ءبىلىم الادى. ەكىنشىدەن, بۇل وقۋ ورداسى وبلىستاعى قاي مەكتەپتىڭ قانداي دەڭگ