نۇر-سۇلتان قالاسىندا بيىلعى ءۇش ايدا 3 ايدا 1,7 ملرد تەڭگەگە جۋىق سوماسىندا 167 210 تەگىن رەتسەپت بەرىلگەن. ال 30 ساۋىردەگى جاعداي بويىنشا 2,5 ملرد تەڭگە سوماسىنا 245 296 تەگىن رەتسەپت تاراتىلعان. بۇل تۋرالى الەۋمەتتىك مەديتسينالىق ساقتاندىرۋ قورىنىڭ ەلوردا بويىنشا فيليالىنىڭ ديرەكتورى ايدار سەيىتقازينوۆ ايتتى.
«الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالى ءباسپاسوز قىزمەتىنىڭ مالىمەتى بويىنشا, ەلوردالىق فيليال نورماتيۆتىك-قۇقىقتىڭ اكتىلەرگە سايكەس دارىلىك زاتتار مەن مەديتسينالىق بۇيىمدارعا بەرىلگەن تاپسىرىستاردى امبۋلاتوريالىق دەڭگەيدە كەلىسەدى. دالىرەك ايتساق, باس قالا تۇرعىندارىن تەگىن رەتسەپتىمەن بەرىلەتىن ءدارى-دارمەكپەن قامتاماسىز ەتۋ ەمحانالار جانىنداعى ءدارىحانالار ارقىلى جۇزەگە اسىرىلادى, ياعني دارىلىك زاتتار مەن مەديتسينالىق بۇيىمدار»سك-فارماتسيا» جشس بىرىڭعاي ديستريبيۋتورمەن جاسالعان شارت بويىنشا الدىمەن دارىحانالارعا كەلىپ تۇسەدى. نۇر-سۇلتان قالاسىندا رەتسەپتىمەن ءدارى ۇلەستىرەتىن 33 مەديتسينالىق ۇيىم ءدارىحاناسى بار. بۇل جولى دا فيليال مەن ەمحانالار تەگىن بەرىلەتىن دارىلەردىڭ ءتىزىمىن كەلىستى.
جالپى تەگىن ەمەس جەڭىلدىكپەن ءدارى بولىنەتىن بەلگىلى ءبىر اۋرۋ تۇرلەرى بار. ونىڭ ءبىرى تەگىن مەديتسينالىق كومەكتىڭ كەپىلدەندىرىلگەن كولەمى اياسىندا ديسپانسەرلىك ەسەپتە تۇراتىن ازاماتتارعا 34 اۋرۋ ءتۇرى بويىنشا بەرىلەدى. مىسالى, قانت ديابەتىنە شالدىققان سىرقاتتارعا قانت مولشەرىن تۇسىرەتىن تابلەتكا تۇرىندەگى پرەپاراتتار, ينسۋليندەر جانە مەديتسينالىق بۇيىمدار تەگىن بەرىلەدى.
سونداي-اق ەرەسەكتەرگە مىندەتتى الەۋمەتتىك مەديتسينالىق ساقتاندىرۋ اياسىندا 41 اۋرۋ ءتۇرى بويىنشا ءدارى-دارمەكتەر تيەسىلى. اتاپ ايتقاندا, باستاپقى وكپە گيپەرتەنزياسى, تەمىر تاپشىلىعى انەمياسى, اكرومەگاليا, رەاكتيۆتى ارتريت, پاركينسون اۋرۋى, پسورياز سىندى سىرقاتپەن اۋىراتىندار ءدارىنى تەگىن الا الادى.
ال بالالارعا پروتوزويلى اۋرۋلار, گەلمينتوزدار, قىشىما, تسەلياكيا, ەرتە جىنىستىق دامۋ, راحيت, شاشىراڭقى سكلەروز سەكىلدى باس-اياعى 65 اۋرۋ تۇرىنە ءدارى الەۋمەتتىك مەديتسينالىق ساقتاندىرۋ اياسىندا تەگىن بەرىلەدى.
سونىمەن قاتار, مەديتسينالىق جانە الەۋمەتتىك كورسەتكىشتەرى بويىنشا ءبىر جاسقا دەيىنگى سابيلەرى بار انالار دا قاجەت بولعان جاعدايدا انا ءسۇتىن الماستىراتىن ءسۇت قوسپالارىن تەگىن الا الادى.
تەگىن رەتسەپت تۋرالى پاتسيەنتتەر ءوزى تىركەلگەن ەمحاناداعى ۋچاسكەلىك دارىگەردەن بىلە الادى. ەمدەلۋشىلەرگە تەگىن ءدارىنى بەرۋ جونىندەگى شەشىمدى دارىگەر قابىلدايدى.
قىمبات توقتامۇرات