وسى جىلعى ءساۋىر ايىنىڭ 1 مەن 31 مامىر كۇندەرى ارالىعىندا وبلىس كولەمىندە «ۋىلدىرىق» جەدەل-پروفيلاكتيكالىق ءىس-شاراسى وتكىزىلۋدە. ءىس-شاراعا ارنايى موبيلدىك توپ قۇرىلىپ, جۇمىلدىرىلدى.
وسىنداي رەيد بارىسىندا 4 مامىر كۇنى تابيعات قورعاۋ پوليتسياسى قىزمەتكەرلەرى شيەلى اۋدانى بەستام اۋىلىنىڭ تۇسىندا «Nissan» اۆتوكولىگىن توقتاتقان. تەكسەرۋ بارىسىندا كۇدىكتى كولىك يەسىنىڭ ەلەكتر توعىن پايدالانىپ, زاڭسىز بالىق اۋلاعاندىعى بەلگىلى بولدى.
ۇستالعان ازاماتتان رەزەڭكە قايىق, اككۋمۋلياتور جانە 27 كەلىدەن اسا بالىق الىندى.
اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 335-بابىنىڭ 3-بولىگىمەن تەرگەپ-تەكسەرۋ امالدارى جۇرگىزىلۋدە.