جەڭىس كۇنى قارساڭىندا قىزىلوردا قالاسىنداعى نازارباەۆ زياتكەرلىك مەكتەبىنىڭ وقۋشىلارى وتان ءۇشىن وت كەشكەن اتا-اجەلەرى تۋرالى الەۋمەتتىك جەلىلەردە بايانداۋدى ءجون كورىپتى.
«جەڭىستى جاقىنداتۋعا مەنىڭ اتام زەينەت يبەەۆتىڭ قوسقان ۇلەسى زور», – دەيدى مەكتەپتىڭ 7-سىنىپ وقۋشىسى مارعۇلان مناجاددين.
شوبەرەسى اتاسىنىڭ سۇراپىل سوعىستا جاساعان ەرلىگى مەن بەيبىت كۇندەردەگى ەڭبەگىن ماقتان تۇتادى: «مەن اتامنىڭ ەرلىگىنە ماقتانامىن جانە ونىڭ الدىندا باس يەمىن. وسىنداي بەيبىت اسپاندا ءومىر ءسۇرۋ باقىتىن سىيلاعان ارداگەرلەرىمىزدى ەشقاشان ۇمىتپاۋىمىز كەرەك» دەيدى ول..
وتتى جىلدار ەستەلىكتەرىمەن ءبولىسۋ ارقىلى جاس زياتكەرلەر باتىرلارىمىزدىڭ ەرلىگىن جاس ۇرپاققا تانىستىرىپ, تاۋەلسىز ەلىمىزدە تىنىشتىق سىيلاعان ارداگەرلەرىمىزگە شەكسىز العىستارىن بىلدىرەدى.
قازىر وبلىستا 16 سوعىس ارداگەرى قالدى. ونىڭ ءبىرى 97جاستاعى كالەپ بەكتۇرعانوۆ. جاس زياتكەرلەر قىزىلوردادان اسكەر قاتارىنا شاقىرتىلعان ساربازدىڭ ومىرى مەن ونىڭ مايدان دالاسىندا جاساعان ەرلىكتەرى جايىندا زەرتتەۋ جۇمىستارىن جۇرگىزدى. وتان ءۇشىن وققا توسقان كەۋدەسى بۇگىندە وردەن-مەدالگە تولى مايدانگەردىڭ ەرلىككە جولى ومىرىمەن تانىستى.
جىل وتكەن سايىن سوعىس تاريحى الىستاپ, ارداگەرلەر قاتارى سيرەپ بارادى. الايدا ولاردىڭ جاساعان ەرلىگى بۇگىنگى ۇرپاق ساناسىندا ماڭگى ساقتالادى.