پرەمەر-مينيستر اسقار مامين يندۋستريالىق-يننوۆاتسيالىق دامۋ مەملەكەتتىك باعدارلاماسىنىڭ, جۇمىسپەن قامتۋدىڭ جول كارتاسىنىڭ ىسكە اسىرىلۋىن, سونداي-اق قاراعاندى وبلىسىنىڭ الەۋمەتتىك-ەكونوميكالىق جانە ينفراقۇرىلىمدىق دامۋىن باقىلاۋ اياسىندا وڭىرگە جۇمىس ساپارىمەن باردى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
ۇكىمەت باسشىسى «سارىارقا» اەا-عا بارىپ, وندا «Steel Manufacturing» جشس پاترون زاۋىتىنىڭ ءبىرىنشى كەزەگىن ىسكە قوستى.
سونىمەن قاتار ا. مامين «Seven Refractories Asia» جشس وتقا ءتوزىمدى ماتەريالدار شىعاراتىن زاۋىتىنىڭ قىزمەتىمەن تانىستى. جوباعا سالىنعان ينۆەستيتسيا كولەمى 1,7 ملرد تەڭگەنى قۇرادى, 70 جۇمىس ورنى اشىلدى. زاۋىت قىزمەتكەرلەرى ەۋروپادا وقۋدان وتكەن. وندىرىستىك قۋاتتىلىعى — جىلىنا 38 مىڭ توننا ءونىم, نەگىزگى كولەمى رەسەي مەن قىرعىزستانعا ەكسپورتتالادى, سونداي-اق «ارسەلور ميتتال تەمىرتاۋ» اق كاسىپورىندارىنا جەتكىزىلەدى.
پرەمەر-مينيستر جىل سايىن جالپى كولەمى 120 مىڭ توننا بولات جانە شويىن ونىمدەرىنىڭ 900-دەن استام ءونىم ءتۇرىن شىعاراتىن «Qaz Carbon» جشس قۇيۋ زاۋىتتارىنىڭ بىرلەستىگىنە باردى. زاۋىتتا 1200-دەن استام ادام جۇمىس ىستەيدى.
ا. مامين جاڭا فەرروقورىتپا زاۋىتى مەن كومىر بايىتۋ فابريكاسىنىڭ قۇرىلىسىمەن تانىستى. ينۆەستيتسيانىڭ جالپى كولەمى 36,2 ملرد تەڭگەنى قۇرايدى, جوبالاردى ىسكە اسىرۋ قۇرىلىس كەزەڭىندە 1 700-دەن استام, ال ونى پايدالانۋ كەزەڭىندە 510 جاڭا جۇمىس ورنىن قۇرۋعا مۇمكىندىك بەرەدى. جاڭا وندىرىستەر جىل سايىن 57 مىڭ توننا فەرروقورىتپا, 240 مىڭ توننا اگلومەرات جانە 1,7 ملن توننا ك ۇلى از, بايىتىلعان كومىر شىعارۋعا جول اشادى. ەكى جوبا قورشاعان ورتانى قورعاۋدىڭ زاماناۋي تالاپتارىنا سايكەس كەلەدى.
ۇكىمەت باسشىسى قاراعاندى قالاسىنىڭ اۆتوجول, تۇرعىن ءۇي جانە الەۋمەتتىك ينفراقۇرىلىمىن جوندەۋ جانە سالۋ جوبالارىنىڭ, ونىڭ ىشىندە جۇمىسپەن قامتۋدىڭ جول كارتاسى اياسىندا ىسكە اسىرىلۋىن تەكسەردى.
ا. مامين «Global City» كوتەرمە-تاراتۋ ورتالىعىندا (كتو) بولىپ قايتتى, ونى بيىل جازدا پايدالانۋعا بەرۋ كوزدەلگەن. اۋدانى 60 گا كتو (2023 جىلعا قاراي 100 گا دەيىن كەڭەيتىلەدى) قۇرىلىس جۇمىستارى مەن ونى پايدالانۋدىڭ بارلىق كەزەڭدەرىندە 5 مىڭ جاڭا جۇمىس ورنىن قۇرۋعا مۇمكىندىك بەرەدى جانە «سولتۇستىك ‒ وڭتۇستىك» جەلىسى بويىنشا اۋىل شارۋاشىلىعى ونىمدەرىنىڭ اعىنىن قامتاماسىز ەتە وتىرىپ, قر ۇلتتىق تاۋار وتكىزۋ جۇيەسىندەگى ەڭ ءىرى نىسانعا اينالادى.
قاراعاندى وبلىسىنىڭ ساران قالاسىندا «Yutong» ماركالى اۆتوبۋستار مەن ارنايى مامانداندىرىلعان تەحنيكا شىعاراتىن زاۋىت سالىنادى. قر پرەمەر-ءمينيسترى ا. ءماميننىڭ وڭىرگە ساپارى اياسىندا ءتيىستى مەموراندۋمعا قول قويىلدى. ينۆەستيتسيا كولەمى شامامەن 23 ملرد تەڭگەنى قۇرايدى, 1 100 جاڭا جۇمىس ورنى اشىلادى, جىلدىق جوبالىق قۋاتتىلىعى — 1 200 اۆتوبۋس جانە 500 دانا ارنايى تەحنيكا. بۇل قر ىشكى نارىعىن قامتاماسىز ەتىپ قانا قويماي, سونىمەن قاتار ونىمدەردى ەاەو ەلدەرىنە ەكسپورتتاۋعا مۇمكىندىك بەرەدى.