پاۆلوداردا تۇرعىن ءۇي قۇرىلىسى قالانىڭ باس جوسپارىندا بولماعان

جۋىردا قالاداعى امانگەلدى يمانوۆ اتىنداعى كوشەنىنىڭ كەڭەيتىلۋ جۇمىستارىمەن, اتاۋى ءبىرتۇرلى زاتون شاعىن اۋدانىندا  سالىنىپ جاتقان قازاق مەكتەبىنىڭ قۇرىلىسىمەن تانىستى.

وبلىس اكىمى دوستىق شاعىن اۋدانىنداعى تۇرعىن ءۇي قۇرىلىسىنىڭ جۇمىس بارىسىن ارالاپ كوردى. ماسەلە-تۇرعىن ءۇي قۇرىلىسىنىڭ قالانىڭ باس جوسپارىنا سايكەس ەمەستىگى, شاعىن اۋداندا بىركەلكى ساۋلەتتىك بەينەنىڭ بولماۋىندا.ءتىپتى, سالىنىپ بىتكەن تۇرعىن ءۇيدىڭ باعاسى نارىقتىق باعادان ءبىرشاما جوعارى بولعانى, كەلەشەكتە نەسيەلىك ءۇيدى الاتىندار ءۇشىن قيىن بولاتىنى دا تاعى ءبىر ماسەلە.

-  بىزگە قۇرىلىس مادەنيەتىن جوعارىلاتۋ كەرەك. بۇگىن تۇرعىن ءۇي قۇرىلىسى سالاسىندا سۇراقتار كوپ,-دەدى ابىلقايىر سقاقوۆ ءوڭىردىڭ باس ساۋلەتشىسى نۇرلان قاقامبەتوۆكە.

سونداي-اق,  داچنىي شاعىن اۋدانىنداعى اۋلاىشىلىك اۋماق جوباسىنا  نازار اۋداردى. بۇل جەردە بالالار الاڭىن جانە سپورت, ميني-فۋتبول الاڭدارىن ورناتىپ, ساياباق پەن كولىك قوياتىن ورىنداردى تۇزەتىپ, اعاشتار وتىرعىزىلۋدا.

– اعاش وتىرعىزۋ جۇمىستارى بويىنشا جەرگىلىكتى ەكولوگتارمەن كەڭەسۋ كەرەك, - دەدى وبلىس اكىمى. –اۋلالارداعى اعاشتار سانىن بەلگىلى كورسەتكىش شىعارۋىمىز كەرەك. جوسپارلانعان جۇمىستاردى ورىنداماس بۇرىن, جەرگىلىكتى تۇرعىندارمەن كەڭەسىپ, ىسكە كىرىسكەن ءجون.

سونىمەن قاتار, داچنىي شاعىن اۋدانىندا جىلۋ جۇيەسىنىڭ قۇرىلىسى باستالدى. جاڭا جەلىنىڭ ۇزىندىعى 1,9 مىڭ مەترگە جۋىق. جەلىنى «نۇراي ستروي» جشس  قۇرىلىس كومپانياسى جۇرگىزۋدە.

وبلىس باسشىسىنا  «شاحمات ءۇيىن» جوندەۋ بويىنشا جوباسى, «جۇمىسپەن قامتۋدىڭ جول كارتاسى» اياسىندا بالالار-جاسوسپىرىمدەر سپورت مەكتەبىن قالپىنا كەلتىرۋ جوسپارى تانىستىرىلدى.

پاۆلودار وبلىسى