جەتىسۋ وبلىسىنىڭ پروكۋراتۋراسى سوتتا بوپسالاۋ مەن پسيحولوگيالىق قىسىم كورسەتۋ ارقىلى قىلمىس جاساعان توپتىڭ كىناسىن دالەلدەدى, دەپ حابارلايدى Egemen.kz.
بۇل توپ 2024 جىلعى مامىردان 2025 جىلعى ناۋرىزعا دەيىن وڭىردە ازاماتتاردى بوپسالاۋمەن اينالىسقان. قاسكۇنەمدەر الەۋمەتتىك جەلى مەن ءموبيلدى قوسىمشالار ارقىلى جابىرلەنۋشىلەردىڭ سەنىمىنە كىرىپ, ءتۇرلى سىلتاۋلارمەن ولاردى ءوز ۇيلەرىنە شاقىرعان.
قىلمىستىق سحەما پسيحولوگيالىق قىسىم مەن مانيپۋلياتسياعا نەگىزدەلگەن. ادامداردى جالعان «زورلاۋ فاكتىسى بويىنشا پوليتسياعا ارىز بەرەمىز» دەپ قورقىتىپ, ماسەلەنى رەتتەۋ ءۇشىن ءىرى كولەمدە اقشا تالاپ ەتكەن. جابىرلەنۋشىلەر الدىن الا بولىنگەن رولدەر بويىنشا ارەكەت ەتەتىن تۇلعالار تاراپىنان قاتتى قىسىمعا ۇشىراعان.
«بيزنەسىڭدى جاپتىرامىن»: شىمكەنتتە كاسىپكەردەن 20 ملن تەڭگە بوپسالاعان كۇدىكتى ۇستالدى
قۇقىققا قايشى ارەكەتتەر انىقتالعاننان كەيىن كۇدىكتىلەر ۇستالىپ, سوتقا دەيىنگى تەرگەۋ جۇرگىزىلدى. قۇجاتتار مەن دالەلدەمەلەر قارالىپ, ءىس سوتقا جولداندى.
سوت پروتسەسىندە مەملەكەتتىك ايىپتاۋشى قىلمىستىق ايىپتاردى نەگىزدى دەپ دالەلدەدى, ۇسىنىلعان دالەلدەرگە قۇقىقتىق باعا بەرىلدى.
2026 جىلعى 30 قاڭتاردا تالدىقورعان قالالىق سوتى كۇدىكتىلەردى قر قك 194-بابىنىڭ 2-بولىگىنىڭ 1), 2) جانە 3) تارماقتارى بويىنشا كىنالى دەپ تانىپ, ءارتۇرلى مەرزىمگە جازالارىن بەلگىلەدى.
ۇكىم ءالى زاڭدى كۇشىنە ەنگەن جوق.
قاراعاندىدا بالالاردان 10 ملن تەڭگە اقشا بوپسالاعاندار ۇستالدى