بۇل تۋرالى مەملەكەت باسشىسى قاسىم-جومارت توقاەۆ «Egemen Qazaqstan» گازەتىنە بەرگەن «ەلىمىز بۇل قيىندىقتان شىڭدالىپ شىعادى» اتتى سۇحباتىندا ايتتى.
«ايگىلى فرانتسۋز ويشىلى جان-جاك رۋسسو «مىقتى مەملەكەت قانا ءوز ازاماتتارىنىڭ ەركىندىگىن قامتاماسىز ەتە الادى» دەگەن ەكەن. حالقىمىزدىڭ تۇرمىس ساپاسىن جاقسارتۋ ءۇشىن قازاقستاندى مىقتى مەملەكەتكە اينالدىرۋىمىز كەرەك. بۇل رەتتە «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» فورمۋلاسىن بەرىك ۇستانۋىمىز قاجەت», - دەدى پرەزيدەنت.
مەملەكەت باسشىسى قيىندىقتاردى ەڭسەرۋگە ءاردايىم دايىن بولۋىمىز كەرەك ەكەنىن اتاپ ءوتتى.
«الەمدە ءتۇرلى ۇردىستەر قالىپتاسۋدا. بىراق سونىڭ ءبارى بىردەي ۇلتتىق مۇددەگە ساي كەلە بەرمەيدى. نەگىزگى قاۋىپ-قاتەرلەر الدا. سوندىقتان قىراعىلىق ساقتاي وتىرىپ, قيىندىقتاردى ەڭسەرۋگە ءاردايىم دايىن بولۋىمىز كەرەك», - دەدى ق. توقاەۆ.