1 - 3 مامىر ارالىعىندا قىزىلوردا قالالىق پوليتسيا باسقارماسى قىزمەتكەرلەرى قالا ماڭىنداعى ساياجاي ۋچاسكەلەرىنە رەيدتىك تەكسەرۋلەر جۇرگىزدى. شاراعا 76 پوليتسەي مەن 12 اۆتوپاترۋل جۇمىلدىرىلدى.
قوعامدىق ءتارتىپتى قامتاماسىز ەتىپ, قىلمىس پەن قۇقىق بۇزۋشىلىقتىڭ الدىن الۋ, تۇرعىلىقتى جەرى بويىنشا ءىىو-دا ەسەپتە تۇراتىنداردى تەكسەرۋ باعىتىنداعى مۇنداي رەيدتەر ءجيى وتكىزىلىپ تۇرادى.
بۇل جولعى تەكسەرۋ بارىسىندا قر اقبتك-ءنىڭ 612-بابى بويىنشا جول قوزعالىسى ەرەجەسىن بۇزۋدىڭ 1 دەرەگى انىقتالىپ, جۇرگىزۋشى اكىمشىلىك جاۋاپكەرشىلىككە تارتىلدى.
سونىمەن قاتار, رەيد بارىسىندا كارانتين رەجيمىنە قاراماستان, «پمك-29» ساياجايىندا جالعا بەرىلەتىن ورىنداردا دەمالىس ۇيىمداستىرعان 1 ازاماتقا قاتىستى حاتتاما تولتىرىلدى.
شارا بارىسىندا قر اقبتك-ءنىڭ 482-بابى بويىنشا (جەكە جانە زاڭدى تۇلعالاردىڭ قارۋدى زاڭسىز يەلەنىپ الۋى, بەرۋى, وتكىزۋى, ساقتاۋى, الىپ ءجۇرۋى, تاسىمالداۋ) 1 ازاماتقا قاتىستى اكىمشىلىك حاتتاما راسىمدەلىپ, قر قك 296-بابى بويىنشا (ەسىرتكى, پسيحوتروپتىق زاتتارمەن, سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ) 2 دەرەك تىركەلدى.