«تىنىس» زاۋىتى («قازاقستان ينجينيرينگ» اق-نىڭ ەنشىلەس كاسىپورنى), كوروناۆيرۋستىق پاندەمياعا قارسى شارالار اياسىندا ادام وكپەسىن جاساندى جەلدەتۋ اپپاراتتارىنىڭ ءوندىرىسىن ارتتىردى, دەپ حابارلادى يدم ءباسپاسوز قىزمەتى.
2020 جىلعا ارنالعان وسى ءونىمنىڭ وندىرىستىك جوسپارى جىلىنا 15 ەسەدەن استامعا (500 دانا جيىنتىق ونىمگە دەيىن) ۇلعايتىلدى. قازىر زاۋىت جۇمىسشىلارى ەكى اۋىسىمدا جۇمىس ىستەپ جاتىر. بۇعان دەيىن زاۋىت جىلىنا 30 دانا جيىنتىق قوندىرعىلاردى شىعارىپ كەلگەنىن ايتا كەتۋ كەرەك.
«تىنىس» وكپەنى جاساندى جەلدەتۋگە ارنالعان قۇرىلعىلار شىعاراتىن قازاقستان رەسپۋبليكاسىنداعى جالعىز كاسىپورىن. «كوكشەتاۋ-4پ» اپپاراتى ءوزىنىڭ مان قىرلى وىزمەتىن جەدەل جاردەم ماشيناسىندا دا, جانساقتاۋ بولىمىندە دە اتقارا بەرەدى.
قازىردىڭ وزىندە 19 دانادان تۇراتىن اپپاراتتاردىڭ العاشقى پارتيا ەلىمىزدەگى مەديتسينالىق مەكەمەلەرگە جەتكىزىلدى جانە 40-تان استامى قويمادا جونەلتىلۋگە دايىن تۇر.
سونىمەن قاتار, اتالمىش كاسىپورىن ماقتا ماتالارىنان قايتا پايدالانۋعا بولاتىن مەديتسينالىق ماسكالار ءوندىرىسىن يگەردى. بۇل قورعانىش زاتتارىمەن اقمولا وبلىسىنىڭ مەديتسينالىق, مەملەكەتتىك مەكەمەلەرى مەن جەكە كاسىپورىندارى قامتاماسىز ەتىلگەن.
ەستەرىڭىزگە سالا كەتەيىك, «Tىنىس» شىعاراتىن نەگىزگى ونىمدەر - بۇل ۇشاقتارعا ارنالعان قوسالقى بولشەكتەر, قر كۇشتىك قۇرىلىمدارى ءۇشىن جەكە قورعانىس قۇرالدارى. سونداي-اق, مۇناي-گاز, تەمىرجول سالاسى جانە ت.ب. ءۇشىن دە ارنايى ازاماتتىق ونىمدەر شىعارادى.