ەلوردالىق سىبايلاس جەمقورلىققا قارسى ءىس-قيمىل دەپارتامەنتىنىڭ باستاماسىمەن نۇر-سۇلتان ق. اكىمى التاي كولگىنوۆ, نۇر-سۇلتان ق. سىبايلاس جەمقورلىققا قارسى قىزمەتىنىڭ باسشىسى نۇرلان قىدىرباەۆ, «استانا – ادالدىق الاڭى» جوباسىنىڭ جەتەكشىسى, قالالىق ءماسليحاتتىڭ دەپۋتاتى ميراس شەكەنوۆ, سونداي-اق اۋدان اكىمدەرى مەن قالالىق باسقارما باسشىلارىنىڭ قاتىسۋىمەن ونلاين كەڭەس ءوتتى.
نۇرلان قىدىرباەۆ پاراساتتىلىقتى قالىپتاستىرۋ جانە قوعامنىڭ مەملەكەتتىك ورگاندارعا سەنىمىن ارتتىرۋعا باعىتتالعان الدىن-الۋ شارالارى تۋرالى اتاپ ءوتتى.
دەپارتامەنت باسشىسى سىبايلاس جەمقورلىققا قارسى قىزمەتتىڭ نەگىزگى باسىمدىقتارى مەن 2020 جىلدىڭ ءبىرىنشى توقسانىندا انىقتالعان جەمقورلىق قىلمىستارى جونىندە تولىعىراق ايتىپ بەردى.
سونىمەن, جىل باسىنان بەرى دەپارتامەنتپەن 15 سىبايلاس جەمقورلىق قىلمىسى تىركەلگەن. ونىڭ ىشىندە كۆازيمەملەكەتتىك سەكتورداعى 2 وبلىستىق ماڭىزى بار باسشى جانە 1 قالالىق ماڭىزى بار باسشى قىلمىستىق جاۋاپكەرشىلىككە تارتىلعان. لاۋازىمدى تۇلعالاردىڭ شاعىن جانە ورتا بيزنەس قىزمەتىنە زاڭسىز ارالاسۋدىڭ 2 فاكتىسى جانە جۇيەلىك سىبايلاس جەمقورلىقتىڭ 1 فاكتىسى انىقتالىپ, 6 قىلمىس تىركەلگەن.
مەملەكەتتىك باعدارلامالاردى ىسكە اسىرۋعا بولىنگەن بيۋدجەت قاراجاتىنىڭ ماقساتسىز پايدالانىلۋىن جەدەل باقىلاۋ بارىسىندا دەپارتامەنتپەن 12 قىلمىس انىقتالعان.
قازاقستان رەسپۋبليكاسىنىڭ قىلمىستىق-پروتسەستىك كودەكسىنىڭ 200-بابىنا سايكەس مەملەكەتتىك ورگاندار مەن ۇيىمدارعا قىلمىستىق قۇقىق بۇزۋشىلىقتار جاساۋعا ىقپال ەتەتىن سەبەپتەر مەن جاعدايلاردى جويۋ تۋرالى 29 ۇسىنىس جولدانعان. ەڭبەك ۇجىمدارىندا دەپارتامەنت باسشىلىعىنىڭ قاتىسۋىمەن 22 كەزدەسۋ وتكىزىلگەن.
جيىننىڭ قورىتىندىسى بويىنشا التاي كولگىنوۆ اۋدان اكىمدەرى مەن قالالىق باسقارما باسشىلارىنا سىبايلاس جەمقورلىققا قارسى ءىس-قيمىلدى كۇشەيتۋدى جانە مەملەكەتتىك ورگاندار مەن اكىمدىكتىڭ ۆەدومستۆولىق باعىنىستى ۇيىمدارىندا زاڭ بۇزۋشىلىقتاردىڭ الدىن الۋ بويىنشا كەشەندى شارالاردى ازىرلەۋدى تاپسىردى.