قارۋلى كۇشتەردىڭ الدىندا كوروناۆيرۋستىق ينفەكتسيامەن كۇرەستەن باسقا كوپتەگەن باسقا دا كەزەك كۇتتىرمەيتىن مىندەتتەر تۇر. اتاپ ايتقاندا, بۇل جاۋىنگەرلىك دايىندىق پەن قورعانىس قابىلەتتىلىگىنىڭ قاجەتتى دەڭگەيىن ۇستاپ تۇرۋ, ارىس قالاسىنداعى توتەنشە جاعداي سالدارىن جويۋ جونىندەگى جۇمىستاردى جالعاستىرۋ.
بۇگىنگى تاڭدا قۇراما جاساقپەن ارىس قالاسىندا اۋدانى 100 مىڭ شارشى مەتردەن استام جەر زەرتتەلدى. قويمالاردىڭ ماڭىنداعى وق-ءدارى فراگمەنتتەرىن ىزدەۋدى ينجەنەرلىك بارلاۋدىڭ ىزدەۋ توپتارى جۇزەگە اسىرادى. تابىلعان فراگمەنتتەردىڭ باسىم بولىگى قاۋىپتى ەمەس. مەتالل سىنىقتارىن تازالاۋ, سۇرىپتاۋ جانە ارنايى جابدىقتالعان الاڭعا شىعارۋ جۇرگىزىلۋدە. ۇنتاقتاۋ توپتارى تەحنيكالىق اۋماقتا تازارتۋدى جۇرگىزەدى.
جەرگىلىكتى تۇرعىنداردىڭ وتىنىشتەرىن قابىلداۋ ءۇشىن موبيلدىك توپ كەزەكشىلىك ەتەدى. بۇدان باسقا, تەحنيكالىق اۋماقتا ينجەنەرلىك وق-دارىلەردى تۇگەندەۋ جانە اشىق الاڭدا سۇرىپتاۋ جالعاسۋدا. ارىستا بارلىق اسكەري ينجەنەرلەر مەن ساپەرلەر, باسقا دا اسكەري ماماندىقتاردىڭ وكىلدەرى بولدى. ءبىر جىل ىشىندە جارىلىس قاۋپى بار زاتتارمەن جۇمىس ىستەۋ بويىنشا بىلىكتى كادرلار وقىتىلىپ, دايارلاندى. ينجەنەرلىك-ساپەرلىك بولىمشەلەردىڭ اسكەري قىزمەتشىلەرى جارىلىس قاۋپى بار مەتالل سىنىقتارىن جانە جارىلماعان پيروپاتروندار مەن كاپسيۋلدەردى وڭدەۋ بويىنشا جەكە ءتاسىل ازىرلەپ, قولدانا باستادى.
ارىس قالاسىنداعى جيىنتىق وتريادتىڭ جۇمىسىنا قورعانىس ءمينيسترى نۇرلان ەرمەكباەۆ كەزەكتى تەكسەرىس جۇرگىزدى. روتاتسيا جوسپارى بويىنشا كەلگەن جەكە قۇراممەن كەزدەسۋ كەزىندە ول قاۋىپسىزدىك شارالارىن قاتاڭ ساقتاۋ قاجەتتىگىن اتاپ ءوتتى.
سونىمەن قاتار, شىمكەنت ماڭىنداعى اۋە شابۋىلىنا قارسى قورعانىس اسكەري ءبولىمىن جانە ەلدىڭ اۋە شەپتەرىنە ەلدىڭ قاۋىپسىزدىگىن قورعاۋ جونىندەگى مىندەتتەردى ورىندايتىن بولىمشەلەردىڭ قىزمەتىن تەكسەردى.
الماتىدا دەسانتتىق-شابۋىلداۋ اسكەرلەرىنىڭ قولباسشىسى اسكەري قىزمەتشىلەردىڭ توتەنشە جاعداي رەجيمىن قامتاماسىز ەتۋگە قاتىسۋى تۋرالى باياندادى. الماتى گارنيزونىنىڭ اسكەري قىزمەتشىلەرى كوروناۆيرۋستىڭ تارالۋىنا قارسى ءىس-قيمىل جونىندەگى بارلىق ءىس-شارالارعا بەلسەندى قاتىسۋدا. كۇن سايىن ولار ونداعان نىسانداردى جانە وعان ىرگەلەس اۋماقتاردى وڭدەيدى, ونىڭ ىشىندە تەمىر جول ۆوكزالىنا دەزينفەكتسيا جۇرگىزەدى. قالاعا كىرە بەرىستەردە قويىلعان بلوكبەكەتتەردە تاۋلىك بويى كەزەكشىلىك اتقارىپ, پاترۋلدەۋگە قاتىسادى.
مينيستر الماتىدان 30 شاقىرىم جەردە ورنالاسقان مەديتسينالىق كەشەنگە باردى. وعان 300 ورىندى كۇردەلى عيمارات, 100 ورىندى اسكەري-دالالىق ۇتقىر گوسپيتال جانە 500 ورىندى پالاتالىق گوسپيتال كىرەدى.
ايتا كەتۋ كەرەك, قازىرگى تاڭدا جەكە عيماراتتا, اۋرۋحانالاردىڭ بىرىندە مەديتسينالىق قىزمەتكەرلەردى ورنالاستىرۋ ءۇشىن جاعداي جاسالعان. 70 دارىگەر مەن مەدبيكەدەن تۇراتىن بريگادا ورنالاسقان. ولار ءۇشىن قاجەتتى جاعداي جاسالىپ, ءۇش رەت تاماقتانۋ ۇيىمداستىرىلعان. دالالىق جانە پالاتالىق گوسپيتالداردا كوروناۆيرۋسى بار پاتسيەنتتەردى دياگنوستيكالاۋ جانە ەمدەۋ ءۇشىن قاجەتتى جابدىقتار بار, وبەكتىلەرگە ينجەنەرلىك كوممۋنيكاتسيالار جۇرگىزىلگەن, وبەكتىلەر تاۋلىك بويى كۇزەتىلۋدە.
كەزدەسۋ بارىسىندا مينيستر بارلىق اسكەري قىزمەتشىلەردى كەلە جاتقان وتان قورعاۋشىلار جانە جەڭىس كۇنىمەن قۇتتىقتادى.