قىزىلوردا وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدىسامەتوۆ وڭىرلىك كوممۋنيكاتسيالار قىزمەتىندە وتكەن بريفينگتە وبلىستاعى احۋالدى باياندادى.
-وبلىستا كوروناۆيرۋستىق ينفەكتسيا جۇقتىرعان 214 جاعداي تىركەلگەن. سوڭعى تاۋلىكتە جاڭادان ناۋقاس انىقتالعان جوق, – دەدى باسقارما باسشىسى.
وڭىردەگى COVID-19 ىندەتىن جۇقتىرعان 214 ناۋقاسپەن بايلانىستا بولعانداردىڭ جالپى سانى 3242-گە جەتكەن. ونىڭ ىشىندە, جاقىن قارىم-قاتىناستا بولعاندار سانى 1746, پوتەنتسيالدى بايلانىستا بولعاندار 1496 ادامدى قۇراپ وتىر. بۇگىنگى تاڭدا بارلىعى باقىلاۋعا الىنىپ, وقشاۋلانعان.
سونداي-اق باسقارما باسشىسى وبلىسىمىزدا بۇگىننەن باستاپ كارانتين تالاپتارىن جەڭىلدەتۋدىڭ كەلەسى كەزەڭى باستالعانىن مالىمدەدى. بۇل تۇرعىندار اراسىنداعى قارىم-قاتىناس ارتا تۇسەدى دەگەن ءسوز. سوندىقتان, كارانتين تالاپتارىن ساقتاپ, قوعامدىق ورىندار مەن جۇمىستا, وتباسىندا جۇعۋعا جول بەرمەۋگە باسا نازار اۋدارعان ءجون.