جەزقازعان قالاسىنىڭ 19 جاستاعى تۇرعىنىنىڭ COVID-19 ىندەتىن جۇقتىرعانى بەلگىلى بولدى, دەپ حابارلادى قاراعاندى وبلىسى اكىمىنىڭ ءباسپاسوز قىزمەتى.
ناۋقاس رەسەيدە وقيتىن ستۋدەنت بولسا كەرەك, ۇيىنە كەلگەن بەتىندە بىردەن پروۆيزورلىق گوسپيتالعا جاتقىزىلعان ەكەن. قازىر ول جۇقپالى اۋرۋلار ستاتسيونارىنا اۋىستىرىلدى.
بۇگىنگى قولداعى بار مالىمەتكە سۇيەنسەك, قاراعاندى وبلىسىندا كوروناۆيرۋس ينفەكتسياسىن جۇقتىرۋدىڭ 152 وقيعاسى تىركەلىپتى. ونىڭ ىشىندە ءبىر ناۋقاس كوز جۇمدى جانە 67 ادام اۋرۋدان جازىلىپ شىققان.