قازاقستان حالقىنىڭ بىرلىگى كۇنىنە وراي نۇر-سۇلتان قالاسىنداعى «حازار» ازەربايجان ەتنومادەني ورتالىعى مەرەكەنى سەزىنۋگە مۇمكىندىك الۋى ءۇشىن ءار ۇلتتىڭ از قامتىلعان وتباسىلارى, تىل ارداگەرلەرى, جالعىزباستى جانە كوپبالالى انالارعا, بارلىعى 20 وتباسىنا مەرەكەلىك كوڭىل-كۇي سىيلادى. سەبەت ازەربايجان شاح-پالاۋى مەن ازىق-ت ۇلىكتەردى قامتىدى. بۇل تۋرالى قحا ءباسپاسوز قىزمەتى حابارلادى.
اكتسيا ۇيىمداستىرۋشىلارى تىزىمگە سايكەس مەرەكەلىك سىيلىقتار تاراتتى. ەلوردالىق قحا-نىڭ مەتسەناتتارى مۇقتاج جاندارعا ۇنەمى كومەك كورسەتەدى. بۇل جۇمىستى 2018 جىلى نۇر-سۇلتان قالاسىنىڭ دوستىق ۇيىندە اشىلعان «پاراسات» قايىرىمدىلىق كومەك كورسەتۋ ورتالىعى ۇيلەستىرەدى.
ايتا كەتەيىك, بيىل تەك ءبىرىنشى توقساندا جالپى سوماسى 4 ميلليون 200 مىڭ تەڭگەگە بىرقاتار اكتسيا وتكىزىلدى.