اقىلدى ادامدار وقيعانىڭ الدىن الىپ, ۋاقىتتان وزىپ جۇرەدى. الەمدى ابىگەرگە سالعان ءتاج-تاجال باستالا سالىسىمەن قازاقستان پرەزيدەنتى ق.توقاەۆ وزگە ءبىراز مەملەكەتتەردەن بۇرىن توتەنشە جاعدايدى شۇعىل, دەر كەزىندە جاساپ, جاراتقان يەم جومارتتىقپەن سىيلاعان كەمەل ويلى كەمەڭگەرلىكپەن وتە دۇرىس شەشىم قابىلدادى. سونىڭ ناتيجەسىندە ءتاج-تاجالدىڭ اۋىر سالدارىن ايتارلىقتاي جەڭىلدەتتى.
وسى قىسىلتاياڭ كەزدەگى مەملەكەت باسشىسىنىڭ بارلىق ءىس-ارەكەتى, توتەنشە جاعدايدى 11 مامىرعا دەيىن سوزعانى دا كوپتىڭ كوڭىلىنەن شىقتى. ەندى, مىنە, ەكىنشى رەت مالىمدەمە جاساپ:
«باستى مىندەت – ازاماتتارىمىزدىڭ دەنساۋلىعىن ساقتاپ, ءومىرىن قورعاپ قالۋ.
الەۋمەتتىك جانە ەكونوميكالىق تۇراقتىلىقتى قامتاماسىز ەتىپ, حالىقتىڭ تابىسىن ساقتاۋ ءۇشىن دە ارنايى شارالار قابىلدانىپ جاتىر.
تاعى دا قايتالاپ ايتامىن: قازىرگىدەي كۇردەلى كەزدە ءاربىر ازامات ءبىزدىڭ نازارىمىزدا بولادى. مەملەكەت ەشكىمدى قيىندىقتا قالدىرمايدى», دەگەنى حالىقتىڭ رۋحىن كوتەرگەن ۇلىق ءسوز بولدى.
اقتامبەردى ايتقان:
ءبىلىمدى تۋعان جاقسىلار,
از دا بولسا كوپپەن تەڭ, – دەگەن وسى!
«جيزن دوستوينا تەح, كتو بورەتسيا زا نەە كاجدىي دەن» دەپتى وستروۆسكي. مەملەكەت باسشىسىنىڭ مالىمدەمەلەرى بىزگە ومىردەن الىنعان وسى ۇلاعاتتى ءسوزدى ويىمىزعا ورالتىپ, بويىمىزعا كۇش-قۋات, ء«توزىم تىلەككە جەتكىزەدى» دەگەن ارمانىمىزعا قانات ءبىتىردى.
مالىمدەمەدەگى ءار سويلەمنەن حالىققا دەگەن قۇرمەت پەن سۇيىسپەنشىلىكتىڭ جىلى لەبى ەسىپ تۇر.
مەملەكەت باسشىسى بىلاي دەيدى:
«بۇل داعدارىس بىرلىگى بەكەم, ەلىن سۇيەتىن وتانشىل جۇرت ەكەنىمىزدى كورسەتتى.
قاشاندا وسىلاي ۇلت بولىپ ۇيىسا بىلسەك, بارلىق ماقساتىمىزعا قول جەتكىزەمىز. وعان ەشقانداي كۇمان جوق.
ەلدىڭ قامى ءۇشىن باستاعان ءىسىمىز قايىرلى بولادى دەپ سەنەمىن! حالقىمىز «بەرەكە باسى – بىرلىكتە» دەيدى.
جۇدىرىقتاي جۇمىلساق, كەز كەلگەن قيىندىقتى جەڭەمىز!
ءبىز بىرگەمىز!».
ءيا, ءبىز بىرگەمىز, سىزات ءتۇسىپ سوگىلمەيدى ىرگەمىز!
«تاتۋ ەلگە – تىنىشتىق پەن توقشىلىق ءناسىپ», دەپتى كۇلتەگىن.
سۇلەيمەن باقىتتى كەزىندە قولىنداعى جۇزىگىنىڭ استىنداعى: ء«بارى دە وتەدى», قيىنشىلىق كەلگەندە جۇزىكتىڭ ۇستىندەگى «بۇل دا وتەدى» دەگەن جازۋدى وقيدى ەكەن.
ءيا, بۇل دا وتەدى.
تويدىڭ ۇلكەنى الدا.
امان بولايىق!
ءسابيت دوسانوۆ,
مەملەكەتتىك سىيلىقتىڭ لاۋرەاتى
الماتى