بۇگىندە ءبىلىم سالاسى, ونىڭ ىشىندە مەكتەپتەر وقۋشىلارعا قاشىقتان ءبىلىم بەرۋ بويىنشا كۇردەلى, ماڭىزدى دا مازمۇندى مىندەتتەر اتقارۋعا بەل بۋدى. ساندىق تەحنولوگيالار داۋىرىندە, ءارى ءدال قازىرگى جاعدايدا قاشىقتان ءدارىس بەرۋ جۇيەسىنە كوشۋى زامان تالابى بولىپ وتىر. ءبىلىم جانە عىلىم مينيسترلىگى ەلىمىزدەگى مەكتەپتەردە قاشىقتان وقىتۋعا, ونىڭ ىشىندە ءبىلىمدى باعالاۋدىڭ بارلىق تۇرلەرىن قاشىقتان جۇرگىزۋگە ناقتى قادامداردى ۇسىندى.
وقۋشىلاردى قاشىقتان وقىتۋعا تەحنيكالىق مۇمكىندىك بار جانە ينتەرنەتتىڭ جىلدامدىعى دا جەتكىلىكتى مەكەمەلەر تۇگەلگە جۋىق قاتىسىپ وتىر. قاشىقتان وقىتۋ تەحنولوگياسى وقۋشىلارعا وقۋدى ءبىلىم ورداسىنا قاتىناماي-اق, الىستان جالعاستىرۋعا مۇمكىندىك بەرەدى. مەكتەپ اكىمشىلىگى تاراپىنان ونلاين-فورماتتاعى ساباقتار, ينتەراكتيۆتى دەربەس تاپسىرمالار جانە قوسىمشا ادەبيەتتەر ءتىزىمىن, وقۋشىلاردى باعالاۋ سياقتى كەرى بايلانىستاردى قامتاماسىز ەتۋ ءۇشىن مۇعالىمدەرمەن سەمينار-ترەنينگتەر ءجيى وتكىزىلەدى.
وقۋشىلارىممەن بۇگىنگى تاڭدا قاشىقتان وقىتۋ باعدارىندا – «ەل ارنا» تەلەارناسى, Bilimland, Kundelik.kz, WhatsApp, Zoom پلاتفورمالارىنىڭ كومەگىمەن كۇندەلىكتى ساباعىمدى زەردەلەپ, سول ارقىلى بايلانىس ورناتىپ ءجۇرمىن. WhatsApp, Zoom قوسىمشالارى كومپيۋتەر جانە ۇيالى تەلەفونمەن دە كىرۋگە قولايلى. وقۋشىلارعا تاپسىرمالاردى بەينەماتەريال, پرەزەنتاتسيا, تەست جۇمىسى جانە اۋديو-جازبالار تۇرىندە وقىتۋدى ۇيىمداستىرىپ ءجۇرمىن. 6-سىنىپتا «اباي – ليريك اقىن» اتتى ساباعىمىز ونلاين فورماتتا ءوتتى. Bilimland پلاتفورماسىنان ابايدىڭ ءومىرى, شىعارماشىلىعى جايلى اقپاراتتى تىڭدادى. تىڭدالعان تاپسىرمادان كەيىن وقۋشىلار ءوز تۇسىنگەندەرىن ورتاعا سالادى. ابايدىڭ تابيعات ليريكاسىنا ارنالعان ولەڭدەرىن عالامتوردان تاۋىپ, دياگراممانى تولىقتىرۋ تاپسىرماسى جوعارى دەڭگەيدە ورىندالدى. وقۋشىلار تابيعات ليريكاسىنا ارنالعان ولەڭدەرىمەن قوسا, اندەرىنىڭ اتاۋى جايلى ماعلۇمات الدى. «ويىڭدى جەتكىز» ادىسىمەن جىل مەزگىلدەرى تۋرالى ماقال-ماتەلدەردىڭ جالعاسىن تاۋىپ, 6 «ا» – سىنىبىندا اندرەي كوندراتوۆ, 6 «ب» – سىنىبىندا اميرا نۇرباەۆا, 6 «ۆ» – سىنىبىندا مۇحتار التاي اتتى وقۋشىلارىم ساباقتا ماقالدىڭ ماعىناسىن اشىپ, ورىس تىلىندەگى بالاماسىمەن سالىستىرىپ, ۇتىمدى جاۋاپتار بەردى. Zoom پلاتفورماسى ساباقتا وقۋشىلارمەن جۇپتىق, ۇجىمدىق جۇمىستار جاساۋعا وتە قولايلى ەكەن. سەبەبى, مۇندا وقۋشىلار اراسىنداعى ديالوگتىق وقىتۋ ىسكە اسادى جانە بىلمەگەندەرىن ءوزارا تالقىلاپ, ءبىر جاعىنان ساباققا دەگەن ىنتاسى جوعارىلاي تۇسەدى, ەكىنشى جاعىنان وقۋشىلار تاقىرىپتى جەتىك مەڭگەرەتىنىن بايقادىم. مەن جەكە, جۇپتىق, ۇجىمدىق جۇمىستىڭ دۇرىس ءجۇرۋى ءۇشىن تاقىرىپقا ساي دۇرىس باعىت-باعدار بەرىپ, تاپسىرمالاردى ۇيىمداستىرامىن. 5-سىنىپتاردا WhatsApp جەلىسىنىڭ كومەگىمەن ۇجىمدا م.ماقاتاەۆتىڭ ولەڭىن تىڭداپ, ولەڭدى جاتتاۋعا, ۆيدەو تۇسىرۋگە تاپسىرما بەردىم. 5 «ا» – سىنىبىندا الپامىس كەنگەسپاەۆ, ماليكا مۋسينا, ومار ۇزاقوۆ, تولعاناي تۇرعانوۆا, 5 «ب» ءاليا شەكتىباەۆا, اديا مۇحامەديەۆا, الان موراۆ, 5 «ۆ» سىنىبىندا دانيال مارات, ارسەني فەدەرەنكو, توميريس ماسحۋت بەرىلگەن تاپسىرمانى كريتەريلەرگە ساي, ولەڭدى جاتتاپ, ۆيدەولارىن جىبەردى. مەنىڭ ماقساتىم – ولەڭدى باستى نازارعا الا وتىرىپ, ىنتىماقتاستىقپەن وقىتۋ, وقۋشىلاردىڭ جاۋاپكەرشىلىكتى سەزىنىپ, ۆيدەو دالەلدەرىمەن قىزىقتىرا وتىرىپ, ءبىلىم الۋداعى قابىلەتتەرىن ارتتىرۋ.
Kundelik.kz سايتىنىڭ كومەگىمەن وقۋشىلارعا ۇسىنىلعان تاپسىرمالارىن جۇكتەپ, قايتا كەرى بايلانىس الۋعا تاپتىرماس مۇمكىندىك الىپ وتىر. Kundelik.kz – مۇعالىم تاراپىنان ساباققا قاتىسۋ بەلسەندىلىگىن باعالاۋداعى ۇتىمدى پلاتفورمالاردىڭ ءبىرى. مەكتەپ اكىمشىلىگى مۇعالىمدەرگە وتكىزىلگەن ساباقتارعا مونيتورينگ جۇرگىزىپ, اپتا سايىن Zoom پلاتفورماسىنىڭ كومەگىمەن ونلاين-كەڭەس بەرۋدە.
ايدانا بولاتحان,
م.مامەتوۆا اتىنداعى №28 مەكتەپ ليتسەيدىڭ قازاق ءتىلى مەن ادەبيەتى ءپانى مۇعالىمى
الماتى