داريعا نازارباەۆانىڭ توراعالىق ەتۋىمەن قازاقستان رەسپۋبليكاسى پارلامەنتى سەناتىنىڭ وتىرىسى بولدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.
ورتالىق سايلاۋ كوميسسياسىنىڭ مۇشەسى لاۋازىمىنا تاعايىنداۋ كۇن ءتارتىبىنىڭ ءبىرىنشى ماسەلەسى بولدى. جوعارعى پالاتا باسشىسىنىڭ ۇسىنىسى بويىنشا سەرىك سىدىقوۆ قازاقستان رەسپۋبليكاسى ورتالىق سايلاۋ كوميسسياسىنىڭمۇشەسى بولىپ بەكىتىلدى.
سەناتورلار وتىرىستىڭ كۇن ءتارتىبى اياسىندا ارداگەرلەر ماسەلەلەرىنە قاتىستى ءۇش زاڭدى تالقىلاپ, قابىلدادى. ولاردىڭ ىشىندە –«ارداگەرلەر تۋرالى» زاڭ جوباسى, ونىڭ ماقساتى ارداگەرلەر ساناتىن بەلگىلەۋ, سونداي-اق ولارعا الەۋمەتتىك قولداۋ شارالارىن ۇسىنۋدى ۇيىمداستىرۋ, ەكونوميكالىق جانە قۇقىقتىق نەگىزدەرىن ايقىنداۋ بولىپ تابىلادى.
سەناتورلار ەلىمىزدىڭ كەيبىر زاڭنامالىق اكتىلەرىنە الەۋمەتتىك قامسىزداندىرۋ ماسەلەلەرى بويىنشا تۇزەتۋلەر ەنگىزۋ تۋرالى زاڭ جوباسىن ەكى وقىلىمدا قارادى. ونىڭ نەگىزگى مىندەتى باسقا مەملەكەتتەردىڭ اۋماعىنداعى ۇرىس قيمىلدارىنا قاتىسقان جانە بىتىمگەرشىلىك كۇشتەر رەتىندە بەيبىتشىلىك پەن قاۋىپسىزدىكتى قولداۋ جونىندەگى حالىقارالىق مىندەتتەمەلەردى ورىنداعان اسكەري قىزمەتشىلەردى ارداگەرلەردىڭ جەكە ساناتىنا جاتقىزۋ بولىپ تابىلادى.
سەناتورلار سونداي-اق سالىق كودەكسىنە جانە سالىق كودەكسىن قولدانىسقا ەنگىزۋ تۋرالى ەلىمىزدىڭ زاڭىنا وزگەرىستەر ەنگىزۋ تۋرالى زاڭ جوباسىن ەكى وقىلىمدا قارادى. ونىڭ ماقساتى سالىق زاڭناماسىنىڭ ەرەجەلەرىن «ارداگەرلەر تۋرالى» زاڭ جوباسىنىڭ باسقا مەملەكەتتەردىڭ اۋماعىنداعى سوعىس قيمىلدارىنىڭ ارداگەرلەرىنە سالىق جەڭىلدىكتەرىن بەرۋ جانە بىرىڭعاي تەرمينولوگيانى قولدانۋ بولىگىمەن ۇيلەستىرۋ بولىپ تابىلادى.
دەپۋتاتتار ودان كەيىن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەڭبەك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تالقىلاپ, قابىلدادى.
وتىرىس بارىسىندا سەناتورلار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كوشى-قون پروتسەستەرىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ەكى وقىلىمدا قاراپ, قابىلدادى. قۇجاتتى تانىستىرعان ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ زاڭ جوباسىن قابىلداۋدىڭ مىندەتى كوشى-قون زاڭناماسىن جەتىلدىرۋ ەكەنىن اتاپ ءوتتى. ونىڭ ىشىندە ەلىمىزگەكەلەتىن ەتنيكالىق رەپاتريانتتار مەن قونىس اۋدارۋشىلارعا قولايلى جاعدايلار جاساۋ, ەل ەكونوميكاسىنىڭ سۇرانىستارىنا ارنالعان سىرتقى ەڭبەك كوشى-قونىنىڭ ءتيىمدى جۇيەسىن قۇرۋ, قولايلى ينۆەستيتسيالىق احۋال جاساۋ, حالىقارالىق ۇزدىكتاجىريبەنى ەسكەرە وتىرىپ كوشى-قون پروتسەستەرىن رەتتەۋ سالاسىنداعى قۇقىقتىق بازانى كەڭەيتۋ جانە زاڭسىز كوشى-قوننىڭ جولىن كەسۋ باعىتتارى بار.
دەپۋتاتتار سونىمەن قاتار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە انا مەن بالانى قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى قابىلدادى. ونىڭ ماقساتى تەرروريستىك ارەكەتتەردەن زارداپ شەككەن جانە سوعىس بولعان ايماقتاردان ورالعان بالالاردى قورعاۋدى قامتاماسىز ەتۋ ءۇشىن قۇقىقتىق نەگىز قۇرۋ بولىپ تابىلادى.
وتىرىستا سونداي-اق زاڭناماعا اتوم ەنەرگياسىن پايدالانۋ سالاسىنداعى ازاماتتىق-قۇقىقتىق جاۋاپتىلىق ماسەلەلەرى بويىنشا تۇزەتۋلەر قابىلداندى. ەلىمىزدىڭ ەنەرگەتيكا ءمينيسترى نۇرلان نوعاەۆ ءوز بايانداماسىندا اتاپ وتكەندەي, زاڭ جوباسىنىڭ ماقساتى – ەلىمىزدەگى يادرولىق قوندىرعىلاردىڭ جۇمىس ىستەۋى بارىسىندا تۋىندايتىن, اتاپ ايتقاندا, يادرولىق قوندىرعىلار وپەراتورلارىنىڭ يادرولىق زالال كەلتىرگەنى ءۇشىن ازاماتتىق-قۇقىقتىق جاۋاپكەرشىلىگى سالاسىندا قوعامدىق قاتىناستاردى رەتتەۋ بولىپ تابىلادى.
سەناتورلار قازاقستان رەسپۋبليكاسىندا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى زاڭ جوباسىن, سونداي-اق زاڭناماعا بەيبىت جينالىستاردى ۇيىمداستىرۋ جانە وتكىزۋ ءتارتىبى ماسەلەلەرى جونىندەگى تۇزەتۋلەردى ءبىرىنشى وقىلىمدا ماقۇلدادى. بۇل قۇجاتتاردىڭ نەگىزگى ماقساتى ازاماتتاردىڭ بەيبىت جانە قارۋسىز جينالۋعا, جينالىستار, ميتينگىلەر مەن دەمونستراتسيالار, شەرۋلەر مەن پيكەتتەر وتكىزۋگە كونستيتۋتسيالىق قۇقىعىن جۇزەگە اسىرۋ بولىپ تابىلادى.
پالاتا دەپۋتاتتارى ارىپتەستىك تۋرالى نەگىزدەمەلىك كەلىسىمدى (2014 جىلعى 4 مامىرداعى قازاقستان رەسپۋبليكاسىنىڭ ۇكىمەتى مەن ازيا دامۋ بانكى اراسىنداعى قازاقستان رەسپۋبليكاسىن ەكونوميكالىق ءارتاراپتاندىرۋ جانە ونىڭ ورنىقتى دامۋىنا, جالپى وسۋىنە جاردەمدەسۋ ماقساتىندا ىنتىماقتاستىقتى كۇشەيتۋ جونىندەگى ارىپتەستىك تۋرالى نەگىزدەمەلىك كەلىسىمگە تۇزەتۋلەر مەن تولىقتىرۋلار) راتيفيكاتسيالادى.