ءماجىلىس توراعاسى نۇرلان نىعماتۋليننىڭ جەتەكشىلىگىمەن وتكەن پالاتانىڭ كەشەگى جالپى وتىرىسىندا بالقاش جىلۋ ەلەكتر ستانساسىن سالۋ, تمد-عا مۇشە ەلدەردىڭ ادامداردى مەملەكەتارالىق ىزدەۋگە قاتىستى زاڭ جوبالارى تالقىعا سالىندى.
كۇن تارتىبىندە «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» زاڭ جوباسى جانە سوت تورەلىگىن ودان ءارى جەڭىلدەتۋ, تورەشىلدىك راسىمدەردى ازايتۋ ماسەلەلەرى بويىنشا كەيبىر زاڭنامالىق اكتىلەرگە وزگەرىستەر ەنگىزۋدى كوزدەيتىن زاڭدىق قۇجاتتا زاڭنامالىق اينالىمعا الىندى.
ءماجىلىس توراعاسى نۇرلان نىعماتۋليننىڭ جەتەكشىلىگىمەن وتكەن پالاتانىڭ كەشەگى جالپى وتىرىسىندا بالقاش جىلۋ ەلەكتر ستانساسىن سالۋ, تمد-عا مۇشە ەلدەردىڭ ادامداردى مەملەكەتارالىق ىزدەۋگە قاتىستى زاڭ جوبالارى تالقىعا سالىندى.
كۇن تارتىبىندە «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» زاڭ جوباسى جانە سوت تورەلىگىن ودان ءارى جەڭىلدەتۋ, تورەشىلدىك راسىمدەردى ازايتۋ ماسەلەلەرى بويىنشا كەيبىر زاڭنامالىق اكتىلەرگە وزگەرىستەر ەنگىزۋدى كوزدەيتىن زاڭدىق قۇجاتتا زاڭنامالىق اينالىمعا الىندى. زاڭ جوبالارى سوتتاردىڭ تاۋەلسىزدىگىن كۇشەيتىپ, سوت لاۋازىمىنا كانديداتتاردى ىرىكتەۋ راسىمدەرىن جەتىلدىرۋگە باعىتتالعان. جانە دە سۋديالىق كورپۋستى قالىپتاستىرۋدا قوعامنىڭ ءرولىن ارتتىرۋدى كوزدەيدى.
مۇنداعى جاڭالىق سوتتارعا شەشىمى ءالى زاڭدىق كۇشىنە كىرمەگەن ءىس بويىنشا كوپشىلىك الدىندا جەكە پىكىرىن بىلدىرۋگە بولمايتىندىعى بەكىتىلەدى. سونداي-اق, سوت راسىمدەرىن جەڭىلدەتۋ بويىنشا قوسىمشا شارالار رەتىندە دالەلدەمەلەردى قاشىقتىقتان زەرتتەۋ جانە ىسكە قاتىسۋشى ادامداردىڭ تۇسىنىكتەمەلەرىن بەينەبايلانىس قۇرالدارىنىڭ كومەگىمەن تىڭداۋ مۇمكىندىگىن كوزدەۋ ۇسىنىلادى.
بۇدان باسقا, وتىرىستا پارلامەنت دەپۋتاتتارى د.نازارباەۆا, گ.يقسانوۆا, س.بىچكوۆا, و.كيكولەنكو, ل.پولتوراباتكو, ا. ساماقوۆا, ە.تاراسەنكو باستاماشى بولعان تۇرمىستىق زورلىق-زومبىلىققا قارسى ءىس-قيمىل ماسەلەلەرى بويىنشا كەيبىر زاڭنامالىق اكتىلەرگە وزگەرىستەر ەنگىزۋدى قاراستىراتىن زاڭ جوباسى دا وندىرىسكە الىندى.
جاڭا زاڭدىق قۇجاتتا وتباسىنىڭ ومىرلىك قيىن جاعدايدا ءجۇرگەن كامەلەتكە تولماعان بالالارى مەن وزگە دە مۇشەلەرىنە ۋاقىتشا قورعانشىلىقتى ايقىنداۋ كورىنىس تاپقان. تۇرمىستىق زورلىق-زومبىلىق جاساعان ادامعا جەكە تۇرعىن ۇيدە, پاتەردە نەمەسە وزگە دە تۇرعىن ۇيدە جابىرلەنۋشىمەن بىرگە تۇرۋعا جانە جانجالداسۋشى ءبىر نەمەسە ەكى تاراپقا قانداي دا ءبىر م ۇلىكتىك قۇقىقتاردى بەرۋدى نەمەسە وتكىزۋدى جۇزەگە اسىرۋعا تىيىم سالىنىپ وتىر.
سونداي-اق, كۇن تارتىبىندە ەلىمىز بەن ازيا دامۋ بانكى اراسىنداعى قارىز تۋرالى كەلىسىم دە راتيفيكاتسيالانۋ ءۇشىن قورىتىندى ازىرلەۋگە الىندى. اتاپ ايتقاندا, كەلىسىم باتىس ەۋروپا – باتىس قىتاي ترانزيت ءدالىزىنىڭ شەڭبەرىندە شىمكەنت – تاشكەنت ۋچاسكەسىن دامىتۋ ءۇشىن قارىز بەرۋ ماسەلەسىن قامتيدى. كەلىسىمگە سايكەس 125 ميلليون اقش دوللارى سوماسىنداعى قارىز قازاقستان رەسپۋبليكاسىنا 16 جىلعا بەرىلىپ وتىر.
ءماجىلىس اگروونەركاسىپتىك كەشەن ماسەلەلەرى بويىنشا دەپۋتاتتار دايىنداعان تۇزەتۋلەر بويىنشا سالالىق كوميتەتتەردىڭ قورىتىندى ازىرلەۋ مەرزىمىن انىقتادى. جاڭا ەنگىزىلىم ۆەتەرينارلىق قاۋىپسىزدىكتى قامتاماسىز ەتۋگە باعىتتالعان. سونىمەن قاتار, زاڭ جوباسىمەن وندىرىستىك قۋاتتاردىڭ جاڭاسىن قۇرۋعا نەمەسە قولدانىستاعىسىن كەڭەيتۋگە قاجەتتى ينۆەستيتسيالىق قارجىنى ءبولۋ كەزىندە اگروونەركاسىپتىك كەشەن سۋبەكتىلەرى شەككەن شىعىنداردىڭ ءبىر بولىگىن وتەۋ قاراستىرىلىپتى.
پالاتانىڭ كەشەگى وتىرىسىندا «پسيحيكالىق بۇزىلۋشىلىقتاردان زارداپ شەگەتىن ادامداردى ماجبۇرلەپ ەمدەۋ جۇرگىزۋ ءۇشىن بەرۋ تۋرالى كونۆەنتسيانى راتيفيكاتسيالاۋ تۋرالى» زاڭ جوباسى دا جۇمىسقا قابىلداندى.
پالاتا قازاقستان مەن كورەيا ۇكىمەتتەرى اراسىنداعى بالقاش جىلۋ ەلەكتر ستانساسىن دامىتۋ, قارجىلاندىرۋ, جوبالاۋ, سالۋ, پايدالانۋ جانە وعان تەحنيكالىق قىزمەت كورسەتۋ سالاسىنداعى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى زاڭ جوباسىن ماقۇلدادى. اتالعان تۇزەتۋلەر بالقاش جەس-ءى ءبىرىنشى ءمودۋلىنىڭ قۇرىلىسىن باستاۋدى قامتاماسىز ەتۋ ماقساتىندا ەنگىزىلىپ وتىر. كەلىسىمدە قولدانىلاتىن تەرميندەردى ەلەكتر ەنەرگەتيكاسى, تابيعي مونوپوليالار مەن رەتتەلەتىن نارىق سۋبەكتىلەرىنىڭ ينۆەستيتسيالىق قىزمەتى ماسەلەلەرى بويىنشا سايكەستەندىرۋ ءۇشىن دە وزگەرىستەر ەنگىزىلەتىنى بەلگىلى بولدى.
وسى رەتتە ءماجىلىس توراعاسى نۇرلان نىعماتۋلين ستانسا قۇرىلىسىنا قاتىستى راتيفيكاتسيانىڭ ماڭىزىنا توقتالا كەلىپ, ەكولوگيا ماسەلەسىندە دەپۋتاتتار ۇستانىمىنىڭ تىم قاتاڭ بولارىن ەسكەرتتى. سوندىقتان دا ۇكىمەت وسى جاعىنا ەرەكشە نازار اۋدارۋى ءتيىس. پرەمەر-م