ۇزدىك جوبالار ۇكىمەتكە ۇسىنىلادى

قازىلار القاسىنىڭ شەشىمى بو­يىنشا فينالعا قاتىسقان بار­لىق 39 جوبا تيىمدىلىگى جوعارى جانە ىسكە اسىرۋعا دايىن, سوندىق­تان بارلىعى ۇكىمەتتىڭ قاراۋىنا, سونداي-اق مۇددەلى ينۆەستورلارعا ۇسىنىلادى.

قازىلار القاسىنىڭ باعا­لا­ۋى­مەن قاتار جوبالار بويىنشا ونلاين-داۋىس بەرۋ جۇرگىزىلدى. سونىڭ ناتيجەلەرى بويىنشا «حا­لىقتىق» توپ-جوبالار انىق­تال­دى. قازىلار القاسىنىڭ باعالاۋى مەن ونلاين-داۋىس بەرۋ ناتي­جە­لەرىن جانە قازىلىققا كىرگەن ادامداردىڭ ءتىزىمىن عىلىم قورى­نىڭ t.me/sciencefund Telegram ارناسىنان كورۋگە بولادى.

«ستوپ-كوروناۆيرۋس» باي­­قاۋىن «عىلىم قورى» اق ۇيىم­داس­تىردى. بايقاۋعا بارلىعى 140-تان استام ءوتىنىم كەلىپ ءتۇستى. كوروناۆيرۋسپەن كۇرەسۋ جونىندە ءوز ۇسى­نىستارىن عالىمدار, دوك­تو­رانتتار, كاسىپكەرلەر مەن­ ستار­تاپەرلەر ۇسىندى. «ستوپ-كوروناۆيرۋس» بايقاۋى ونلاين-رەجىمدە ءوتتى. اۆتورلار تىكەلەي ەفيردە ءوز جوبالارىن قازىلار القاسى مۇشەلەرىنە تانىستىرىپ, سۇراقتارعا جاۋاپ بەردى. نەگىزىندە, اقپارات Facebook الەۋمەتتىك جەلىسى ارقىلى Bilim PLUS پاراق­شاسىندا كورسەتىلدى. ونلاين فورمات باعالاۋ ءۇردى­سى­نىڭ بارىنشا اشىقتىعىن قامتاماسىز ەتتى جانە بارلىق قاتى­سۋشىلاردان قولداۋ تاپتى. قازىلار القاسىنىڭ قۇرا­مى­نا دەنساۋلىق ساقتاۋ, IT سا­لاسىنىڭ تانىمال ماماندا­رى, كاسىپ­كەرلەر مەن قوعام قاي­رات­كەر­­لەرى كىردى. قازىلار ال­قا­­سى­نىڭ توراعاسى بولىپ بەلگىلى قوعام قاي­راتكەرى, «سەرپىن» ءبى­لىم جانە ين­نو­ۆاتسيا ۇلت­تىق پا­لا­تا­سىنىڭ باسشىسى مۇرات ابەنوۆ سايلاندى.

– مەن ءۇشىن قازاقستاندىق عالىمداردىڭ كوبى وسى تاقىرىپ­تا جۇمىس ىستەپ جاتقانى كۇتپ­ە­گەن جاعداي بولدى. جوبالار وتە جاقسى جانە بىلىكتى اۆتورلاردىڭ ۇسىنىستارىندا كوروناۆيرۋستى انىقتاۋعا ارنالعان تەستىلەردەن باستاپ ۆاكتسينا, ەمدىك تاماقتانۋ, دەزينفەكتسيا, ۆيرۋستىڭ الدىن الۋ شارالارىنا دەيىن قام­تىل­عان. ەرتەڭ-اق وندىرىسكە ەنگىزۋگە تۇرارلىق تارتىمدى جوبالار بار. ءبىزدىڭ عالىمدار ءوز ونىمدەرىمەن نارىققا شىعا الادى جانە شى­عۋى كەرەك, – دەپ اتاپ ءوتتى مۇرات ابەنوۆ.

بايقاۋ قورىتىندىسى بويىنشا «عىلىم قورى» اق مۇددەلى تاراپتارمەن بىرلەسىپ, كەلىپ تۇسكەن ۇسىنىستاردى العا تارتۋ جانە ىسكە اسىرۋ بويىنشا جۇمىسىن جالعاستىرادى.