سوتتالعان, جازاسىن تۇزەۋ مەكەمەلەرىندە وتەپ جۇرگەن جانداردىڭ ادامي قادىر-قاسيەتىنە قوعامنىڭ وزگە مۇشەلەرى تاراپىنان كۇمان كەلتىرىلىپ قالاتىن جايتتەر ومىردە ۇشىراسىپ تۇرادى. راسىندا دا سولاي ما؟ بۇل تىم ءبىر جاقتى تۇجىرىم سەكىلدى. بۇعان قىلمىستىق اتقارۋ جۇيەسى دەپارتامەنتىنەن الىنعان اقپارات ايقىن ايعاق بولا الادى. ياعني, اقتوبەدەگى كا-168/1 ەڭبەكپەن تۇزەۋ مەكەمەسىندە جازاسىن وتەۋشى ءوزىنىڭ جالاقىسىن مۇگەدەك بالالارعا بەرۋ جونىندە شەشىم العان.
ءتۇيىپ ايتقاندا سوتتالعان مەيرامبەك بورانباەۆ ەلدەگى توتەنشە جاعدايعا بايلانىستى مۇمكىندىگى شەكتەۋلى جاندارعا ءبىر ايلىق جالاقىسىن اۋدارىپ, قايىرىمدىلىق جاساۋ جونىندە شەشىمگە كەلگەنىن ايتادى. ول وسى ۇسىنىسىنا قولداۋ بىلدىرگەن ەڭبەكپەن تۇزەۋ مەكەمەسىنىڭ باسشىلىعىنا العىسىن بىلدىرە كەلىپ, باسقا ازاماتتارعا دا قيىن جاعدايدا بىرگە بولۋعا شاقىرادى.
اتالعان قاراجاتقا بىرنەشە وتباسىعا ازىق-ت ۇلىك تۇرلەرى ساتىپ الىنعان. قايىرىمدىلىق كومەگىن العان اقتوبە قالاسىنداعى «عاجاپ» مۇگەدەك بالالار قوعامدىق بىرلەستىگىنىڭ ءتورايىمى بوتاگوز دۇيسەكوۆا كارانتين كەزىندە قايىرىمدىلىق ءىس جاساعان سوتتالۋشىنىڭ ازاماتتىق شەشىمىنە ريزاشىلىعىن جەتكىزىپ, مۇگەدەك بالالار تاربيەلەپ وتىرعان بارلىق اتا-انالاردىڭ اتىنان العىس ايتتى.