ەكولوگيا, گەولوگيا جانە تابيعي رەسۋرستار ءمينيسترىنىڭ بۇيرىعىمەن ارمان الاش ۇلى تۇرلىبەك بەرگەن وتىنىشىنە سايكەس قر ەگترم سۋ رەسۋرستارى كوميتەتىنىڭ توراعاسى قىزمەتىنەن بوساتىلدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
ارمان تۇرلىبەك 1971 جىلى قاراعاندى وبلىسىندا دۇنيەگە كەلگەن. قازاق مەملەكەتتىك باسقارۋ اكادەمياسىن, قازاقستان-رەسەي ۋنيۆەرسيتەتىن, الماتى مەملەكەتتىك ەنەرگەتيكا جانە بايلانىس ۋنيۆەرسيتەتىن تامامداعان.
ءتۇرلى جىلدارى ساتپاەۆ قالاسى بىرقاتار كوممەرتسيالىق قۇرىلىمىندا باسشىلىق لاۋازىمدار اتقارعان, ساتپاەۆ قالالىق ءماسليحاتىندا حاتشى بولعان.
2000-2007 جىلدارى ساتپاەۆ قالاسى اكىمىنىڭ ورىنباسارى قىزمەتىن اتقارعان.
2007 جىلدان 2010 جىل ارالىعىندا قاراعاندى وبلىسى اكىمدىگىندە باسشىلىق قىزمەتتەردى اتقاردى, پرەمەر-ءمينيستردىڭ ورىنباسارىنىڭ كەڭەسشىسى بولىپ تاعايىندالدى.
2010 جىلدان 2016 جىل ارالىعىندا يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىمىندا جۇمىس ىستەدى.
2016 جىلدان 2019 جىل ارالىعىندا استانا (نۇر-سۇلتان) قالاسى اكىمىنىڭ اپپاراتىندا باسشىلىق قىزمەتتەردى اتقاردى.
2019 جىلدىڭ شىلدە ايىنان قازىرگە دەيىن ەكولوگيا, گەولوگيا جانە تابيعي رەسۋرستار مينيسترلىگىنىڭ سۋ رەسۋرستارى كوميتەتىنىڭ توراعاسى بولىپ جۇمىس ىستەدى.