قازاقستان تۋرالى الپاۋىت بۇقارالىق اقپارات قۇرالدارىنا شىققان ءاربىر جاڭالىقتى ءجىتى قاداعالاپ وتىرامىز. تاياۋدا رەيتەر اگەنتتىگىندە اۋعانستانعا جىبەرىلگەن كومەك جونىندە سۋرەت شىقتى. وعان قاراپ وتىرىپ قازاق ارىپتەرى كوزىمىزگە وتتاي باسىلدى.
سۋرەتتە كابۋل قالاسى تۇرعىندارىنا بەرىلەتىن ازىق-ت ۇلىك سەبەتى قاز-قاتار تىزىلگەن. ونىڭ قۇرامىندا ءبىر قاپ ۇن, 10 كەلى كۇرىش, 5 ليتر سۇيىق ماي جانە سۇيىق سابىن بار. وسى ازىق-ت ۇلىك سەبەتىندەگى ۇننىڭ باسىم بولىگى قازاقستاننان جەتكىزىلگەن.
قىسقاسى, قازاقستان ۇنى «حيتقا» اينالىپ تۇر. بۇلاي دەيتىنىمىز, رەيتەر اگەنتتىگى اتالعان سۋرەتتى الەۋمەتتىك جەلىدەگى پاراقشالارىنا ءبولىسىپ, اپتا فوتوسى رەتىندە كورسەتكەن.
رەيتەر اگەنتتىگىنىڭ اۋعانستانعا ەكپىن بەرۋىنىڭ ءمانى مىنادا. تالاي جىل سوعىستان كوز اشپاعان مەملەكەتتە كوروناۆيرۋسقا بايلانىستى جاعداي ءتىپتى قيىن. كارانتين مەرزىمى 9 مامىرعا دەيىن سوزىلعان. اسا مۇقتاج بولماسا, كوشەگە شىعۋعا تىيىم سالىنعان. كابۋلداعى بۇكىل جولدار جابىلعان.
بۇگىنگە دەيىن 1531 ادامعا Covid-19 ۆيرۋسى جۇققان, ال قايتىس بولعاندار سانى 50-گە جەتتى. ەلدەگى احۋالدىڭ قيىندىعىن ەسكەرىپ, اۋعانستان دەنساۋلىق ساقتاۋ مينيسترلىگى حالىقتىڭ 80 پايىزى ناۋقاستانۋى مۇمكىن ەكەنىن مالىمدەگەن. سونداي-اق 100 مىڭنان استام ادام قايتىس بولۋى ىقتيمال.
وسىعان بايلانىستى ەل بيلىگى حالىقارالىق قوعامداستىقتان كومەك سۇراپ وتىر. ايتا كەتۋ كەرەك, قازاقستان اۋعانستانعا قول ۇشىن سوزۋ جاعىنان كەندە ەمەس. ەلىمىز ءتۇرلى سالالار بويىنشا ىنتىماقتاستىقتى جولعا قويعان. ماسەلەن, 2010 جىلدان باستاپ 2021 جىلعا دەيىنگى كەزەڭدە قازاقستاندىق جوعارى وقۋ ورىندارىندا اۋعانستاننىڭ 1 مىڭنان استام ازاماتى ءبىلىم الادى. 2018 جىلى قازاقستان مەن اۋعانستان اراسىنداعى تاۋار اينالىمى 520,6 ملن دوللاردى قۇرادى. ونىڭ باسىم بولىگى ەكسپورتتىڭ قۇنى 516,4 ملن دوللار.
گۋمانيتارلىق كومەك اياسىندا قازاقستان جىل سايىن اۋعانستانعا استىق جىبەرىپ كەلەدى. رەيتەر اگەنتتىگىندە «حيت» بولعان سۋرەتتەگى ۇن دا وسى كومەك اياسىندا جەتكىزىلگەن بولاتىن. بۇدان بولەك, اۋعانستان «توعىزىنشى تەرريتوريانىڭ» بيدايى مەن ۇنىن ەكسپورتتايتىن ەلدەردىڭ ءبىرى. ماسەلەن, سوڭعى ەكى جىلدا 1,5 ميلليون تونناعا جۋىق بيداي مەن ۇن ەكسپورتتالعان.