قىزىلوردادا جاقىن تانىسىنىڭ سەنىمىنە كىرىپ, ونىڭ تولقۇجات ءنومىرى مەن بانك كارتاسىن پايدالانۋ ارقىلى الاياقتىق جاساعان 26 جاستاعى ازاماتشا سوت الدىنا كەلدى. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى حابارلايدى.
ول بىردە جاقىن تانىسىنا قوناققا كەلىپ, ونىڭ تولقۇجات دەرەكتەرىن جاسىرىن تۇردە ۇيالى تەلەفون سۋرەتىنە ءتۇسىرىپ الادى. كوپ ۇزاماي الداۋ ارقىلى ونىڭ بانك كارتاسىن قولعا تۇسىرەدى. وسى قۇجاتتارمەن ءتۇرلى ميكروكرەديت ۇيىمدارىنان نەسيە الىپ, تانىسىنىڭ موينىنا قوماقتى قارىزدى ىلە سالادى. بۇگىنگى تاڭدا ونىڭ ۇستىنەن قر قىلمىستىق كودەكىنىڭ 190 بابىنىڭ 4 بولىمىمەن قىلمىستىق ءىس تەرگەلىپ ءبىتتى. قازىر سوتتا قارالۋدا.
پوليتسەيلەر قازىر ينتەرنەت ارقىلى الاياقتىق جاساۋ كوبەيىپ بارا جاتقانىن ايتادى. بيىلعى جىلدىڭ العاشقى توقسانىندا وسىنداي 162 قىلمىستىق وقيعا ورىن العان.