قر قم قارجى مونيتورينگى كوميتەتىنىڭ الماتى قالاسى بويىنشا ەكونوميكالىق تەرگەۋ دەپارتامەنتىنىڭ قىزمەتكەرلەرى توتەنشە جاعداي كەزىندە كومەك قاجەت ەتەتىن جانۇيالارعا 250 ملن تەڭگەدەن اساتىن زاتتىق ايعاق رەتىندە تاركىلەنگەن كيىم-كەشەكتى ۇلەستىرىپ بەردى.
بالالار كيىمدەرى, اياق كيىمدەر, سپورتتىق كوستيۋمدەر, فۋتبولكالار ەكونوميكالىق كونتراباندا بويىنشا قوزعالعان قىلمىستىق ىستەرى اياسىندا تاركىلەنىپ, سوتتىڭ ۇكىمىمەن مەملەكەتتىڭ مەنشىگىنە وتكەن بولاتىن.
بارلىق كيىم-كەشەك بالالار ۇيىنە جانە قيىن جاعدايدا قالىپ كومەك قاجەت ەتەتىن جانۇيالارعا ۇلەستىرىلدى. بۇل باعىتتاعى جۇمىس جالعاسۋدا دەيدى دەپارتامەنت قىزمەتكەرلەرى.