قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگى (سىبايلاس جەمقورلىققا قارسى قىزمەت) قىزىلوردا وبلىسى بويىنشا دەپارتامەنتىنىڭ «Antikor ortalygy» سەرۆيستىك ورتالىعىندا اگەنتتىك توراعاسىنىڭ ءبىرىنشى ورىنباسارى ولجاس بەكتەنوۆ دەپارتامەنتتىڭ Facebook الەۋمەتتىك جەلىسىندەگى رەسمي پاراقشاسىندا وبلىس تۇرعىندارىن ونلاين رەجىمدە قابىلدادى.
Antikor.Live جوباسى اياسىندا وتكەن قابىلداۋدا ازاماتتاردان ەلباسى مەن مەملەكەت باسشىسىنىڭ سىبايلاس جەمقورلىققا قارسى ءىس-قيمىل باعىتىنداعى تاپسىرمالارىنىڭ ورىندالۋ بارىسى, ايماق ەكولوگياسى, اۋىلشارۋاشىلىق سالاسىنداعى كاسىپكەرلىككە قاتىستى سۇراقتار ءجيى قويىلدى.
قابىلداۋ قورىتىندىسى بويىنشا ءتيىستى لاۋازىم يەلەرىنە پايدالى قازبالاردى وندىرەتىن اۋدانداردا قورشاعان ورتانىڭ ەكولوگيالىق جاي-كۇيىن جاقسارتۋ مەن باسقا دا باعىتتاعى جۇمىستاردى شيراتۋ جونىندە تاپسىرما بەرىلدى.
اگەنتتىكتە جۇرتشىلىقپەن تىكەلەي جانە كەرى بايلانىس ءۇشىن Call-ورتالىق تۇراقتى جۇمىس ىستەيدى. بۇل اشىقتىق قاعيداتىن جۇزەگە اسىرىپ, قوعامدى سىبايلاس جەمقورلىققا قارسى بىرلەسكەن ءىس-قيمىلعا جۇمىلدىرۋعا كوپ سەپتىگىن تيگىزۋدە.