پارلامەنت سەناتىندا اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اتوم ەنەرگياسىن پايدالانۋ سالاسىنداعى ازاماتتىق-قۇقىقتىق جاۋاپتىلىق ماسەلەلەرى بويىنشا وزگەرىس پەن تولىقتىرۋلار ەنگىزۋ تۋرالى» زاڭ جوباسى قارالدى, دەپ حابارلادى سەناتتىڭ ءباسپاسوز قىزمەتى.
زاڭ جوباسىمەن «حالىقتىڭ رادياتسيالىق قاۋىپسىزدىگى تۋرالى» جانە «اتوم ەنەرگياسىن پايدالانۋ تۋرالى» زاڭدارعا وزگەرىستەر مەن تولىقتىرۋلار ەنگىزىلەدى.
قۇجاتتىڭ ماقساتى – اتوم ونەركاسىبى سالاسىنداعى ۇلتتىق زاڭنامانى قازاقستان رەسپۋبليكاسى 2011 جىلعى 10 اقپاندا راتيفيكاتسيالاعان 1997 جىلعى يادرولىق زالال ءۇشىن ازاماتتىق جاۋاپكەرشىلىك تۋرالى ۆەنا كونۆەنتسياسىنىڭ ەرەجەلەرىنە سايكەس كەلتىرۋ جونىندەگى قازاقستان رەسپۋبليكاسىنىڭ حالىقارالىق مىندەتتەمەلەرىن ىسكە اسىرۋ جانە ەلىمىزدەگى اتوم ونەركاسىبىن دامىتۋعا جاردەمدەسۋ بولىپ تابىلادى.
قازىرگى ۋاقىتتا ەلىمىزدىڭ ۇلتتىق زاڭناماسىندا ۆەنا كونۆەنتسياسىنىڭ ەرەجەلەرىن قولدانۋ رەگلامەنتتەلمەگەن, يادرولىق قوندىرعى وپەراتورىنىڭ جاۋاپكەرشىلىگىن شەكتەۋ بەلگىلەنبەگەن جانە يادرولىق وقىس وقيعا تۋىنداعان جاعدايدا قارجىلىق قامتاماسىز ەتۋ جانە ساقتاندىرۋ ماسەلەلەرى رەتتەلمەگەن.
بۇل زاڭ جوباسى بىرقاتار ماسەلەلەردى قۇقىقتىق تۇرعىدان رەتتەۋگە ىقپال ەتەدى. ياعني رادياتسيالىق قاۋىپتىلىك ساناتىنا قاراي, يادرولىق قوندىرعى وپەراتورىنىڭ كەلتىرىلگەن يادرولىق نۇقسان ءۇشىن ازاماتتىق-قۇقىقتىق جاۋاپتىلىعىنىڭ شەكتەرىن بەلگىلەۋ, يادرولىق قوندىرعى وپەراتورىنىڭ كەلتىرىلگەن يادرولىق نۇقسان ءۇشىن ازاماتتىق-قۇقىقتىق جاۋاپتىلىعىن قارجىلىق قامتاماسىز ەتۋ, يادرولىق قوندىرعى وپەراتورىنىڭ كەلتىرىلگەن يادرولىق نۇقسان ءۇشىن ازاماتتىق-قۇقىقتىق جاۋاپتىلىعىن ساقتاندىرۋ, تالاپ قويۋدىڭ ەسكىرۋ مەرزىمى مەن رەگرەستىك تالاپ قويۋدى ۇسىنۋ جونىندەگى ماسەلەلەردى قۇقىقتىق رەتتەۋدى كوزدەيدى.
زاڭ جوباسى قابىلدانعاندا 1997 جىلعى يادرولىق نۇقسان ءۇشىن ازاماتتىق جاۋاپكەرشىلىك تۋرالى ۆەنا كونۆەنتسياسىنىڭ ەرەجەلەرىن ساقتاۋ جونىندەگى قازاقستان رەسپۋبليكاسىنىڭ حالىقارالىق مىندەتتەمەلەرىن ىسكە اسىرۋ قامتاماسىز ەتىلەدى, اتوم ەنەرگياسىن بەيبىت ماقساتتا پايدالانۋدىڭ بەلگىلى ءبىر تۇرلەرىن پايدالانۋ ناتيجەسىندە تۋىندايتىن نۇقساننان قارجىلىق قورعاۋ جانە اتوم سالاسىنا ينۆەستيتسيا تارتۋ جانە ونى دامىتۋ ناتيجەسى كۇتىلەدى.
زاڭ جوباسى پالاتانىڭ قاراۋىنا جىبەرىلدى.