الەمگە ايگىلى Reuters اگەنتتىگى تىلشىلەرىنىڭ 18 اي بويى جۇرگىزگەن جۋرناليستىك زەرتتەۋلەرى وسىنداي تۇجىرىمعا توقتام جاساتتى. ولار مۇنى اسىراپ العان بالالارى وزدەرىنىڭ كوڭىلدەرىنەن شىعا قويماعان بىرقاتار وكىل اتا-انالار ونلاين-توپتارىنىڭ حالىقارالىق Yahoo Groups جانە Facebook الەۋمەتتىك ينتەرنەت-جەلىلەرىنىڭ امەريكالىق سەكتورىنداعى ءىس-ارەكەتتەرىن قاداعالاۋ ارقىلى انىقتاپ وتىر.
الەمگە ايگىلى Reuters اگەنتتىگى تىلشىلەرىنىڭ 18 اي بويى جۇرگىزگەن جۋرناليستىك زەرتتەۋلەرى وسىنداي تۇجىرىمعا توقتام جاساتتى. ولار مۇنى اسىراپ العان بالالارى وزدەرىنىڭ كوڭىلدەرىنەن شىعا قويماعان بىرقاتار وكىل اتا-انالار ونلاين-توپتارىنىڭ حالىقارالىق Yahoo Groups جانە Facebook الەۋمەتتىك ينتەرنەت-جەلىلەرىنىڭ امەريكالىق سەكتورىنداعى ءىس-ارەكەتتەرىن قاداعالاۋ ارقىلى انىقتاپ وتىر.
مۇنداي اتا-انالار ينتەرنەت پايدالانۋشىلاردىڭ جابىق فورۋمدارىندا شامامەن: «ءبىز رەسەيدەن (مۇنىڭ قىتاي, قازاقستان, كامبودجا دەگەن نۇسقالارى دا بار) ءبىر قىز اسىراپ الىپ ەدىك, بىراق, وكىنىشكە قاراي, وندا نەۆرولوگيالىق پروبلەمالار بار ەكەن. وتىنەمىز, سونى باسقا وتباسىلارىنا اۋىستىرىپ بەرۋگە كومەكتەسىڭىزدەرشى», دەگەن مازمۇنداعى حابارلاندىرۋلاردى جاريالاپ تۇراتىن بولىپ شىقتى. امەريكاداعى بالا اسىراپ الۋشىلاردىڭ اراسىندا كەيدە ءوز ءمۇمكىندىكتەرىن دۇرىس ەسەپتەمەي, بىرنەشە بالا اسىراپ العاندارىنان تۋىنداپ وتىرعان قيىندىقتاردى جەڭۋدىڭ مۇمكىن بولماي بارا جاتقانىنا شاعىناتىندار دا كەزدەسەدى. بۇلار دا «ارتىق بالانى» العىسى كەلەتىن ادامداردى ىزدەستىرەدى. الايدا, ولار بۇل تىرلىكتەرىنىڭ ءبارىن زاڭنىڭ ارالاسۋىنسىز, ەشبىر ىڭ-شىڭسىز, جۇرت كوزىنەن تاسادا اتقارعىلارى كەلەدى.
جۋرناليستەر تەك Yahoo Groups الەۋمەتتىك جەلىسىنىڭ ءبىر توبىنىڭ وزىنەن وسىنداي 5029 حابارلامانى زەرتتەي كەلىپ, مۇنداعى اڭگىمەلەردىڭ كەيبىر اتا-انالاردىڭ اسىراپ العان بالالارىن باسقا وتباسىلارىنا وتكىزۋلەرىمەن عانا شەكتەلىپ قالماي, كوپ جاعدايدا ولاردىڭ وزدەرىن «ءابدەن جالىقتىرعان» نەمەسە «ارتىق بولىپ شىققان» ءجاسوسپىرىمدى باسقا بىرەۋلەرگە تىكەلەي ساتۋعا شىعارۋلارى تۋرالى بولىپ وتىراتىنىنا كوز جەتكىزگەن. تەكسەرۋ سونداي-اق مۇنداي قاقپاقىلعا ۇشىرايتىن ءسابيلەردىڭ كوبىنە-كوپ رەسەيدەن, ۋكراينادان, قازاقستاننان, افريكا ەلدەرى مەن قىتايدان اكەلىنگەندەر اراسىنان شىعاتىنىن دا كورسەتىپ بەرگەن.
مىنە, وسى جايلاردىڭ ءوزى بىزگە شەتەلدىكتەرگە اسىراۋعا بالا بەرۋ جايىنا قايتا ورالىپ, وعان قاتاڭ قاراۋدى نەمەسە توقتاتۋدى تالاپ ەتسە كەرەك.
سۇلتان بوزايعىر.