بۇل تۋرالى بۇگىن قىزىلوردا قالاسىنىڭ اكىمى نۇرلىبەك نالىباەۆ جەدەل شتاب وتىرىسىندا ايتتى. وتىرىسقا شتاب مۇشەلەرى مەن سەلەكتورلىق بايلانىس ارقىلى كەنت, اۋىلدىق وكرۋگ اكىمدەرى قاتىستى.
قازىرگى تاڭدا ۆيرۋس جۇقتىرعانداردىڭ 24-ءى وسى وبلىس ورتالىعىنان تىركەلىپ وتىر.
– بۇل قابىلدانعان شەكتەۋلەرگە قاراماستان جەرلەستەرىمىزدىڭ ينفەكتسيانىڭ قاۋىپتىلىگىن سەزىنبەي, كارانتين تالاپتارىن ساقتاماي وتىرعانىن كورسەتەدى. سوندىقتان دا, ىندەتتىڭ تارالۋىن تەجەۋ شارالارىن شيراتۋىمىز كەرەك, – دەدى قالا باسشىسى.
شاھار باسشىسى توتەنشە جاعداي رەجيم تالاپتارىن ساقتاي وتىرىپ, كوكتەمگى ەگىس جۇمىستارىن كەشەۋىلدەتپەۋدى مىندەتتەدى. قالاعا قاراستى اۋىلدار مەن ساياجايلاردا حالىق كۇندەلىكتى كوپ تۇتىناتىن ازىق-ت ۇلىك تاپشىلىعىن بولدىرماۋ ماقساتىندا ۇيىمداستىرىلعان كوشپەلى ساۋدانى توقتاتپاۋ كەرەك.
سونداي-اق, شاھار باسشىسى قالا ماڭىنداعى ەلدى-مەكەندەرگە تۇرعىندار جالاقىلارى مەن زەينەتاقىلارىن الۋ ءۇشىن ەكىنشى دەڭگەيلى بانكتەر ارقىلى بانكوماتتار ورناتۋ جولدارىن قاراستىرۋدى تاپسىردى.