قر ءىىم بايقوڭىر قالاسىنداعى وكىلدىگى قىزمەتكەرلەرى قاۋىپسىزدىك شارالارىن قامتاماسىز ەتۋ ماقساتىندا «باتىس ەۋروپا – باتىس قىتاي» تاسجولىنا ەكى توسقاۋىل بەكەتىن قويىپ, قالادا كارانتيندىك تالاپتاردىڭ ساقتالۋىن قاداعالاۋدا. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى.
الايدا ەسكەرتۋدى ەلەمەيتىندەر دە كوبەيىپ وتىر, عارىشكەرلەر قالاسىندا جۇرگىزىلگەن رەيدتەر توتەنشە جاعداي تالاپتارىن بۇزۋدىڭ 61 دەرەگىن انىقتادى.
سوڭعى تاۋلىك ىشىندە 100-گە جۋىق مەكەمە مەن ويىن-ساۋىق ورىندارى تەكسەرىلىپ, 8 قۇقىق بۇزۋشىلىق بەلگىلى بولعان.
قازىرگى تاڭدا ورىن العان 61 فاكتى بويىنشا قر اقبتك-ءنىڭ 476-بابىنا سايكەس اكىمشىلىك حاتتامالار تولتىرىلىپ, زاڭدى شەشىم قابىلداۋ ءۇشىن قالالىق سوتقا جولدانىپ, 33 اكىمشىلىك ءىس سوتتا ونلاين-رەجيمىندە قارالدى, وندا 17 ادامعا ايىپپۇل سالىنسا, 16 تۇرعىن اكىمشىلىك قاماققا الىنعان.