Moody's Investors Service حالىقارالىق رەيتينگتىك اگەنتتىگى 20 ساۋىردە «Tengri Bank» اق جەرگىلىكتى جانە شەتەل ۆاليۋتاسىنداعى ۇزاق مەرزىمدى دەپوزيتتىك رەيتينگىن B2 دەڭگەيىنەن Caa3-كە دەيىن تومەندەتتى. بانكتىڭ كرەديت قابىلەتتىلىگىنىڭ بازالىق باعاسى (BCA) b3-كە دەيىن, كونتراگەنت تاۋەكەلىنىڭ ۇزاق مەرزىمدى جانە قىسقا مەرزىمدى باعالارى (CRA) Caa2-گە دەيىن تومەندەدى.
Moody's اگەنتتىگى رەيتينگتىڭ تومەندەۋىنە تۇسىنىكتەمە بەرە وتىرىپ, جاعداي تۇراقتانىپ, بانك بارلىق قارجىلىق مىندەتتەمەلەردى تولىق كولەمدە جانە ۋاقتىلى ورىنداۋدى جالعاستىرعاننان كەيىن بانك رەيتينگى قايتا قارالۋى مۇمكىن ەكەنىن اتاپ ءوتتى. ودان ءارى, بانك وتىمدىلىكتى ايتارلىقتاي نىعايتۋ بويىنشا شارالار قابىلداعاننان, اكتسيونەرلەر تاراپىنان قولداۋ كورسەتىلگەننەن كەيىن رەيتينگ ساا3 بەلگىسىنەن ارتتىرىلاتىن بولادى. رەيتينگتىڭ تومەندەۋىنە قاراماستان, بانك جاعدايدى تۇراقتاندىرۋ جۇمىستارىن جالعاستىرۋدا.
بانك الەمدىك قارجى نارىعىنداعى قالىپتاسقان جاعدايعا بايلانىستى شەكتەۋلى رەجيمدە جۇمىس ىستەيدى, بۇل بەلگىلى ءبىر دارەجەدە بانكتىڭ كليەنتتەر الدىنداعى ءوز مىندەتتەمەلەرىن ورىنداۋىنا اسەر ەتۋدە.
«Tengri Bank» اق ەلدەگى توتەنشە جاعداي كەزىندە ءوز قىزمەتىن جۇزەگە اسىرۋدا جانە وسى ماسەلەلەردى رەتتەۋشىمەن جانە اكتسيونەرلەرمەن, ونىڭ ىشىندە نەگىزگى اكتسيونەر - Punjab National Bank-پەن تالقىلاۋدى قوسا العاندا, وتىمدىلىككە بايلانىستى جاعدايدى تۇراقتاندىرۋ ءۇشىن بارلىق قاجەتتى شارالاردى قابىلداۋدا.
جاقىن ارادا بانك بارلىق پروتسەسستەرىنىڭ ۇزدىكسىزدىگىن قامتاماسىز ەتە وتىرىپ, ءوزىنىڭ وپەراتسيالىق قىزمەتىن قالپىنا كەلتىرۋدى, تولەمدەر مەن اۋدارىمداردى جۇرگىزۋدى جالعاستىرۋدى جوسپارلاپ وتىر.
«Tengri Bank» اق ءوز كليەنتتەرىن وقيعالاردىڭ دامۋى تۋرالى اقپاراتتاندىرۋدى جالعاستىرۋدا جانە ءاردايىم بايلانىس ورتالىعىنىڭ 3434 ءنومىرى بويىنشا (قوڭىراۋ شالۋ تەگىن) بايلانىستا بولادى.