كەشە قۇرمانعازى اۋدانىنداعى شارون وزەنىنە كاراگوز بالىعى كوپ مولشەردە كەلدى. اۋدان تۇرعىندارى سوڭعى جىلدارى اتالعان وزەندە بالىقتىڭ ء دال وسىلاي شۇپىرلەپ جاتقانىن بايقاماعان.
سوندا شاروندا شورشىعان كوپ بالىق قايدان, قالاي كەلدى؟
–كاسپي تەڭىزىنەن شارون وزەنىنە بالىقتىڭ مول شوعىرى كەلگەنى راس. جۇرتشىلىق «وسىنشا مول بالىق ءولىپ قالماي ما؟» دەپ الاڭدايدى. وعان نەگىز جوق. قازىر اتىراۋ-استراحان جولىنىڭ قۇرىلىسىن جۇرگىزۋشىلەر وزەن ۇستىنەن كوپىر سالىپ جاتىر. سوعان بايلانىستى بالىق بىردەن جوعارىعا وتە الماعان. بىراق, بىرتىندەپ ءوتىپ جاتىر, -دەيدى قۇرمانعازى اۋداندىق بالىق ينسپەكتسياسى ءبولىمىنىڭ جەتەكشىسى نۇربولات قاراتەكەەۆ.
سونداي-اق اتىراۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى وكىلدەرىنىڭ ايتۋىنشا, بۇل –تابيعي قۇبىلىس. الاڭدايتىن ەشتەڭە جوق. بيىل قيعاش وزەنىنە سۋ كوپ كەلگەن. بۇعان وزەندە تەرەڭدەتۋ جۇمىسىنىڭ قولعا الىنعانى سەبەپ بولىپ وتىر.
جۇماسات عازيز