19 ءساۋىر كۇنى ساعات 16:00 شاماسىندا قىزىلوردا قالالىق پوليتسيا باسقارماسىنىڭ جەدەل باسقارۋ ورتالىعىنىڭ ينسپەكتورى پوليتسيا لەيتەنانتى نۇرلان قارلىباەۆ, ۇلتتىق ۇلان ساربازدارى كيريلل لوسيتسكي مەن نياز داۋلەت قىزمەت اتقارۋ بارىسىندا تاۋەلسىزدىك داڭعىلىنداعى كوپقاباتتى تۇرعىن ءۇيدىڭ 2 قاباتىنداعى بالكوننان قالىڭ ءتۇتىندى بايقايدى.
ولار بۇل وقيعا جايلى شۇعىل حابارلاپ, تۇرعىنداردى قاۋىپسىز جەرگە شىعاردى. ءورت سوندىرۋشىلەر كەلگەنگە دەيىن جالىندى ءوشىرۋدىڭ امالىن جاسايدى.
پوليتسيا قىزمەتكەرلەرى مەن ساربازداردىڭ وسى جەدەل دە باتىل شەشىمى ارقاسىندا ءورت سالدارىنان ەشكىم زارداپ شەككەن جوق. قازىر وقيعانىڭ ءمان-جايلارى انىقتالۋدا.
ءۇي تۇرعىندارى وزدەرىنە دەر كەزىندە كومەككە كەلگەن ءتارتىپ ساقشىلارى مەن ساربازدارعا العىستارىن جاۋدىردى.