ەلىمىزدە ەنگىزىلگەن توتەنشە جاعداي تالاپتارىنىڭ ساقتالۋىن قامتاماسىز ەتۋ ماقساتىندا جۇرگىزىلگەن رەيدتەر بارىسىندا توتەنشە جاعداي تالاپتارىن بۇزۋدىڭ 678 دەرەگى انىقتالدى. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى.
سوڭعى تاۋلىك ىشىندە 500-گە جۋىق مەكەمە مەن ويىن-ساۋىق ورنى تەكسەرىلىپ, قۇقىق بۇزۋشىلىقتىڭ 71 فاكتىسى بەلگىلى بولعان.
قىزىلوردا وبلىسىنىڭ مامانداندىرىلعان اكىمشىلىك سوتى 414 اكىمشىلىك ءىس قاراپ, 213 ادامعا ايىپپۇل سالىنسا, 149 تۇرعىن اكىمشىلىك قاماۋعا الىنىپ, 51 ەسكەرتۋ بەرىلدى.
ەكى مارتە اكىمشىلىك جازاعا تارتىلعانداردىڭ بيلىك وكىلدەرىنە باعىنباي, دورەكىلىك تانىتقانى انىقتالعان.
ماسەلەن, 13 ءساۋىر كۇنى قىزىلوردا قالالىق پوليتسيا باسقارماسىنىڭ عيماراتىندا سوتتىڭ قارالۋىن كۇتىپ وتىرعان ازاماتتاردىڭ ءبىرى قىزمەتتىك مىندەتىن اتقارىپ تۇرعان پوليتسيا قىزمەتكەرىنىڭ ەسكەرتۋىن ەلەمەي, ءتىل تيگىزىپ, بالاعاتتاعان. ءدال وسىنداي وقيعا جالاعاش اۋدانىندا دا ورىن العان.
قازىر بۇل دەرەكتەر بويىنشا قازاقستان رەسپۋبليكاسى قىلمىستىق كودەكسىنىڭ 378-بابى بويىنشا سوتقا دەيىنگى تەرگەپ – تەكسەرۋ امالدارى جۇرگىزىلۋدە. كۇدىكتىلەرگە قاتىستى ەشقايدا كەتپەۋ تۋرالى قولحات تۇرىندەگى بۇلتارتپاۋ شاراسى قولدانىلدى.