قازاقستان پرەزيدەنتىنىڭ جانىنداعى توتەنشە جاعدايدى قامتاماسىز ەتۋ جونىندەگى مەملەكەتتىك كوميسسيانىڭ شەشىمىنە سايكەس «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق الماتى قالاسىندا شاعىن جانە ورتا بيزنەس سۋبەكتىلەرىنە قىزمەت كورسەتۋ ورتالىعىن اشتى.
بۇگىننەن باستاپ ىسكە قوسىلعان ورتالىق «شۇعىلا» شاعىن اۋدانى, 347/1 مەكەن-جايىندا ورنالاسقان ناۋرىزباي اۋداندىق فرونت-ءوفيسىنىڭ عيماراتىندا ورنالاسقان.
زاڭدى تۇلعالارعا قىزمەت كورسەتەتىن حقو دۇيسەنبى مەن جۇما ارالىعىندا 09.00-دەن 16.00-گە دەيىن جۇمىس ىستەيدى. مەملەكەتتىك قىزمەتتەردى ساپالى جانە ۋاقتىلى كورسەتۋ ماقساتىندا, نەسيە بەرۋدە وڭ شەشىم العان ۇيىمداردىڭ ءتىزىمى بويىنشا كەستەمەن قىزمەت كورسەتىلەدى.
سونىمەن قاتار كارانتين كەزىندە سانيتارلىق-ەپيدەميولوگيالىق رەجيمدى ساقتاۋ ءۇشىن ءبولىم بارلىق سانيتارلىق شارالارمەن قامتاماسىز ەتىلگەن. سونداي-اق, فرونت-وفيستە قىزمەت كورسەتەتىن مامانداردىڭ قاۋىپسىزدىگى ماقساتىندا ولار جەكە قورعانۋ قۇرالدارىمەن (بەتپەردەلەر, انتيسەپتيكتەر, قولعاپتار) قامتاماسىز ەتىلىپ, قالاداعى شەكتەۋ جاعدايىندا ءجۇرىپ-تۇرۋلارى ۇيىمداستىرىلعان.
قىزمەت الۋشىلاردىڭ دا قىزمەت الۋ كەزىندەگى سانيتارلىق قاۋىپسىزدىك شارالارى قاراستىرىلعان. قىزمەت الۋشىلار كەزەك كۇتۋى ءۇشىن اراقاشىقتىعى ساقتالعان ارنايى سىزىقتار سىزىلعان. مىندەتتى تۇردە بەتپەردە رەجيمى ساقتالادى. عيمارات ىشىنە ەنگەندە انتيسەپتيكتى پايدالانىپ, ارى قاراي قىزمەت الۋعا وپەراتورعا جۇگىنەدى.
ورتالىقتا كورسەتىلەتىن نەگىزگى قىزمەت تۇرلەرى – اۋىلشارۋاشىلىق جانە اگروبيزنەس سالاسى وكىلدەرىنە ارنالعان جىلجىمايتىن/جىلجىمالى م ۇلىك كەپىل شارتىن مەملەكەتتىك تىركەۋ, جىلجىمايتىن/جىلجىمالى م ۇلىك كەپىل شارتىنا قوسىمشا كەلىسىمدى مەملەكەتتىك تىركەۋ قىزمەتتەرى.
«شاعىن جانە ورتا بيزنەس وكىلدەرىنىڭ عيمارات ىشىندە جينالۋىن بولدىرماۋ ءۇشىن كورسەتىلەتىن قىزمەتتى الۋشىلاردىڭ نازارىنا قۇجاتتاردىڭ تولىق پاكەتىن ۇسىنۋ قاجەتتىلىگى تۋرالى ەسكەرتە كەتسەك. اتاپ ايتقاندا:
جىلجىمايتىن/جىلجىمالى م ۇلىك كەپىل شارتىن جانە كەپىل شارتىنا قوسىمشا كەلىسىمدى مەملەكەتتىك تىركەۋ ءۇشىن: 2 دانا كەپىل شارتى /2 دانا كەپىل شارتىنا قوسىمشا كەلىسىم/, وبەكتىگە بايلانىستى تاريف بويىنشا تولەم, ەگەر م ۇلىك نەكەدە ساتىپ الىنعان بولسا, ەرلى-زايىپتىنىڭ نوتاريالدى كۋالاندىرىلعان كەلىسىمى قاجەت بولادى», - دەيدى «ازاماتتارعا ارنالعان ۇكىمەت" مەملەكەتتىك كورپوراتسياسى» كەاق الماتى قالاسى فيليالىنىڭ ديرەكتورى دانيار قىرىقباەۆ.
العاشقى جۇمىس كۇنى 4 كاسىپكەر تولىققاندى قىزمەت الىپ, قالعان كەلۋشىلەردىڭ كوپشىلىگى كەڭەس الۋمەن شەكتەلدى.
بيزنەس وكىلدەرىنە ارنالعان حكو جۇمىسىمەن تانىسقان ارنايى مونيتورينگتىك توپتىڭ مۇشەسى, قوعام بەلسەندىسى رافاەل گاسانوۆ بىلاي دەيدى:
«كارانتين كەزىندە ەكونوميكامىزعا كوپ زيان كەلمەس ءۇشىن, جانە كوكتەم ەگىسى باستالۋ كەزىندە كاسىپكەرلەرىمىز ۋاقىتىن جىبەرىپ الماس ءۇشىن بيزنەسكە ارنالعان حقو-نىڭ جۇمىس ىستەۋى ءۇشىن اتسالىسقان ەدىك. بۇگىننەن باستاپ الماتى قالاسىندا شاعىن جانە ورتا بيزنەس وكىلدەرىنە ارنالىپ حقو جۇمىس ىستەۋدە. بۇگىن ونىڭ جۇمىسىمەن تانىسىپ كوردىك. تالاپقا ساي, كارانتين تالاپتارى دا قاراستىرىلعان».