قازالى اۋدانىندا جۇقپالى ىندەتتىڭ تارالماۋى ءۇشىن قاۋىپسىزدىك شارالارى كۇشەيتىلدى. وسىعان وراي اۋداندا قوعامدىق كولىكتەرمەن قاتار جەكە كولىكتەردىڭ دە جۇرۋىنە تىيىم سالىنىپ وتىر. اۋدان مەن اۋىلدارعا كىرەبەرىس جەرلەرگە توسقاۋىل بەكەتتەرى قويىلدى.
بىراق تۇرعىنداردىڭ ازىق-ت ۇلىكتەن, باسقا دا قاجەتتى زاتتاردان تارىقپاۋى قاداعالانۋدا. وسى ماقساتتا اۋدان اكىمدىگى كوشپەلى ساۋدا ورىندارىن ۇيىمداستىرىپ, تۇرعىندارعا ازىق-ت ۇلىك ساتىلا باستادى.
بۇگىن كوشپەلى ساۋدا اۋدان ورتالىعىنان شالعايدا جاتقان كاۋكەي اۋىلىنا باعىت الدى. اۋدان كاسىپكەرلەرى اۋىل تۇرعىندارىنا ءبىرىنشى كەزەكتە كارتوپ, جۋا, ءسابىز, ماكارون, ۇن, وسىمدىك مايى, قانت, كۇرىشپەن قاتار, جەمىس-جيدەكتەر دە الا باردى.
الدا ءدال وسىنداي كوشپەلى ساۋدانى باسقا اۋىلداردا دا ۇيىمداستىرۋ كوزدەلىپ وتىر.