كارانتين كەزىندە ۋاقىتتى بوس وتكىزبەي وزدەرىن شىعارماشىلىق تۇرعىدا شىڭداي ءتۇسىپ, ءارى تىڭدارمانداردىڭ كوڭىلىن كوتەرۋ ماقساتىندا م.وسكىنباەۆ اتىنداعى ماڭعىستاۋ وبلىستىق فيلارمونياسى ارتىستەرى ونلاين كونتسەرتتەر ۇيىمداستىرۋدا.
الدىمەن ابىل تاراق ۇلى اتىنداعى ۇلت اسپاپتار وركەسترى قۇرمانعازىنىڭ (ديريجەرى ر.مادرەەۆ) «اداي» كۇيىن كوپشىلىك نازارىنا ۇسىنسا, ىزگى ءۇردىستى «اقجارما» فولكلورلىق ءانسامبلى جالعاستىردى. ولار ع.قۇرمانعاليەۆتىڭ «سالەم, قازاقستان!» ءانىن تىڭدارماندارعا جولدادى. كارانتين كەزىندە ۇيدە وتىرعان باۋىرلارىمىزعا قولداۋ كورسەتىپ, جاقسى كوڭىل-كۇي سىيلاۋدى ماقسات ەتتىك. مۇنداي كونتسەرتتەر فيلارمونيا ارتىستەرى اراسىندا تۇراقتى وتكىزىلىپ كەلەدى. ولار ءاربىر كۇنى ۇيلەرىنەن كونتسەرتتەرىن بىزگە جولداپ وتىرادى. فيلارمونيا وپەراتورى ونى وڭدەپ, جەلىلەرگە جۇكتەيدى. وسىلايشا ارتىستەرىمىز ۋاقىتتى بوسقا وتكىزبەي كارانتين كەزىندە دە ءوز شەبەرلىكتەرىن شىڭداۋدا. ءبىز, ماڭعىستاۋ فيلارمونياسىنىڭ ۇجىمى بارلىقتارىڭىزدى ۇيدە بولۋعا جانە ونەرمەن, شىعارماشىلىقپەن اينالىسۋعا شاقىرامىز, دەيدى ماڭعىستاۋ وبلىستىق فيلارمونياسىنىڭ ديرەكتورى بەكبول بازارباەۆ.