ۇلتتىق ۇلاننىڭ اسكەري جاساعى پاترۋلدەۋ باعىتىندا جۇرگەندە جەدەل باسقارۋ ورتالىعى كەزەكشىسىنەن 1949 جىلعى ازاماتتىڭ ۇيدەن بەلگىسىز جاققا قاراي شىعىپ, قايتا كەلمەگەنى تۋرالى اقپارات الادى.
جاساق باستىعى كىشى سەرجانت جاندوس قاراباي جانە پاترۋلشىلەر قاتارداعى جاۋىنگەرلەر ماقسۇت بەيسەنبين مەن راميس شامشۋتدينوۆ كينولوگ مامان ەفرەيتور كيريلل توكتامىسپەن بىرگە ەر ازاماتتى ىزدەي باستايدى. سەنىمدى تورتاياقتى «ريكتىڭ» كومەگىنە جۇگىنگەن جاۋىنگەرلەر قىزمەتتىك يتكە جوعالعان ادامنىڭ جەكە كيىمدەرىن يىسكەتىپ, ىزدەۋ شارالارىن ۇدەتەدى.
ناتيجە ءوزىن كوپ كۇتتىرگەن جوق. اراعا 40 مينۋت سالىپ اسكەري جاساق جوعالعان ادامدى تاۋىپ, اۆتوپاترۋل قىزمەتىنە تاپسىرادى.