بۇكىل الەمدە جانە قازاقستاندا دا قالىپتاسقان جاعدايعا بايلانىستى ماڭعىستاۋ وبلىسىندا ەلىمىزدىڭ باسقا وڭىرلەرىنەن كەيىن كارانتين جاريالاندى. قاۋىپتى ۆيرۋستىڭ تارالۋىمەن كۇرەسۋدىڭ نەگىزگى قۇراۋشىسى دەزينفەكتسيا بولىپ تابىلادى. سوندىقتان قازىر اسكەري قىزمەتشىلەردىڭ كۇشى دەزينفەكتسيا جۇمىستارىن ساپالى جۇرگىزۋگە باعىتتالعان.
اقتاۋ قالاسىندا دەزينفەكتسيانى اسكەري-تەڭىز كۇشتەرىنىڭ اسكەري قىزمەتشىلەرى جۇرگىزۋدە.
«اسكەري-تەڭىز كۇشتەرىنىڭ جەكە قۇرامى قالالىق قىزمەتتەرگە جان-جاقتى كومەك كورسەتۋدە. قوعامدىق جانە تۇرعىن ءۇي نىساندارىندا دەزينفەكتسيالىق جۇمىستار جۇرگىزىلۋدە, - دەيدى ءار تەكتى كەمەلەر جەكە ديۆيزيونىنىڭ كومانديرى, 3-دارەجەلى كاپيتان باۋىرجان مۇرات ۇلى. – ءوز كۇشىمىزبەن ءبىز ءوز وبەكتىلەرىمىزدە, سونىڭ ىشىندە سۋ قورعاۋ امبەباپ جۇيەسىن پايدالاناتىن اسكەري-تەڭىز كۇشتەرىنىڭ كەمەلەرىندە دەزينفەكتسيالىق جۇمىستار جۇرگىزەمىز».
جەرگىلىكتى تۇرعىندار اسكەري قىزمەتشىلەردىڭ مىندەتتەرىنە تۇسىنىستىكپەن قاراپ, ولاردىڭ جۇمىستارىنا ريزا. ولار اسكەري تەڭىزشىلەرىمىزگە وسىنداي قيىن قىستاۋ ۋاقىتتا شاعىن اۋداندا دەزينفەكتسيا جۇمىستارىن جۇرگىزگەنى ءۇشىن العىس بىلدىرۋدە.
قالالىق جانە تۇرعىن نىساندارىنان باسقا ارنايى وڭدەۋ جۇمىستارى اقتاۋ گارنيزونىندا ورنالاسقان اسكەري بولىمدەر مەن مەكەمەلەردىڭ اۋماقتارىندا دا جۇرگىزىلەدى. جەكە قۇرامنىڭ قاۋىپسىزدىك شارالارى باقىلاۋ-وتكىزۋ پۋنكتىندە باستالادى. ياعني قىزمەتكە كەلگەن ءاربىر ادام مەديتسينالىق تەكسەرۋدەن وتەدى. سونىمەن قاتار مەديتسينالىق ماسكالاردى كيۋ مەن انتيسەپتيكالىق زاتتاردى پايدالانۋ مىندەتتى.
سانيتارلىق-گيگيەنالىق شارالار كاسپي تەڭىزىنىڭ قازاقستاندىق سەكتورىندا قىزمەت اتقاراتىن اسكەري كەمەلەردە كۇشەيتىلگەن. بارلىعى مۇقيات دەزينفەكتسيالانىپ, ىرگەلەس اۋماقتار وڭدەلەدى.