وبلىس اكىمى گۇلشارا ابدىقالىقوۆا قالاداعى ەلەكتر تاراتۋ مەن جىلۋ بەرۋ ورتالىقتارىن ارالادى.
«قىزىلوردا ەلەكتر تاراتۋ توراپتارى» اق كومپانياسىندا وبلىس باسشىسىنا ايماقتاعى ەلەكتر جەلىلەرىنىڭ 70 پروتسەنتى ەسكىرگەنى باياندالىپ, ستانتسيالاردى جوندەۋ جۇمىستارى جايلى ايتىلدى. بيىل جۇزەگە اسىرىلاتىن قايتا قالپىنا كەلتىرۋ جۇمىستارىنا وبلىستىق بيۋدجەتتەن 166 ملن تەڭگە قارالعان. جوسپار بويىنشا ايماقتا 52,69 شاقىرىم ەلەكتر جەلىسى مەن قوسالقى 14 ستانتسيا جاڭالانۋى ءتيىس.
– 2020-2021 جىلعى جىلۋ بەرۋ ماۋسىمىنا دەيىن اعىمداعى جانە كۇردەلى جوندەۋ جۇمىستارىن جۇرگىزۋ جوسپارلانۋدا. قازىر وبلىستىڭ ەلەكتر ەنەرگياسىن تۇتىنۋ كولەمى 98 مۆت قۇراپ وتىر. ونىڭ 62,3 مۆت (63,6%) سىرتقى ەنەرگيا كوزدەرىنەن الىنسا, 35,7 مۆت (36,4%) قۋاتتى «قىزىلوردا جىلۋەلەكترورتالىعى» مكك مەن «سكز-U» جشس وندىرەدى, - دەدى «قىزىلوردا ەلەكتر تاراتۋ توراپتارى» اق كومپانياسىنىڭ باسقارما توراعاسى م. كارىمباەۆ.
گۇلشارا ناۋشاقىزى 1964 جىلى پايدالانۋعا بەرىلگەن «قىزىلوردا جىلۋ ەلەكتر ورتالىعى» مەكەمەسىندە دە بولدى. قىزىلوردا قالاسىن جىلۋ جانە ەلەكتر قۋاتىمەن قامتاماسىز ەتەتىن نەگىزگى كاسىپورىن جىلۋ بەرۋ ماۋسىمىن اياقتاپ, كەلەسى جىلۋ بەرۋ ماۋسىمىنا دايىندىقتى باستاپ كەتكەن.
ايماق باسشىسىنا 2019-2020 جىلدارداعى جىلۋ بەرۋ ماۋسىمىنىڭ تۇراقتى تۇردە وتكەنى جانە جاز ايلارىندا جوندەۋ جۇمىستارى جۇرگىزىلەتىنى ايتىلدى. سونداي-اق, كاسىپورىننىڭ حالىقارالىق قارجى ينستيتۋتتارىنان العان نەسيە كولەمى جونىندە اقپارات بەرىلدى.
كاسىپورىن 2014 جىلدىڭ 18 جەلتوقسانىندا "قىزىلوردا قالاسىنىڭ جىلۋمەن جابدىقتاۋ جۇيەسىن سالۋ جانە رەكونسترۋكتسيالاۋ" جوباسىن ىسكە اسىرۋ ماقساتىندا ەۋروپالىق قايتا قۇرۋ جانە دامۋ بانكىمەن جالپى قۇنى 37,3 ملن اقش دوللارى بولاتىن كرەديتتىك شارت جاساستى. جەڭىلدىك كەزەڭى 3 جىل دەپ بەلگىلەندى. نەسيەنى قايتارۋ كەزەڭى باستالىپ كەتتى. 2027 جىلعا دەيىن قارىزدى تولىق وتەۋىمىز كەرەك,- دەدى «قىزىلوردا جىلۋ ەلەكتر ورتالىعى» مكك-نىڭ ديرەكتورى ر.نۇرماعانبەتوۆ.
كاسىپورىننىڭ №1 گازوتۋربينالىق قوندىرعىسىن كۇردەلى جوندەۋ جوسپارلانىپ وتىر. ول ءۇشىن وبلىستىق بيۋدجەتتەن 599 ملن تەڭگە ءبولىنىپ, مەملەكەتتىك ساتىپ الۋ جۇمىستارى جۇرگىزىلۋدە.
نىسانداردى ارالاۋ قورىتىندىسىندا, ايماق باسشىسى جوندەۋ, قايتا قالپىنا كەلتىرۋ جۇمىستارى كەستەدەن كەشىكپەي ورىندالىپ, بولىنگەن قاراجات ۋاقتىلى ءارى ۇنەمدى يگەرىلۋى قاجەتتىگىن تاپسىردى.