Jas Otan جاستار قاناتىنىڭ جەتەكشىسى ەلنۇر بەيسەنباەۆ ەلباسى, Nur Otan پارتياسىنىڭ توراعاسى نۇرسۇلتان نازارباەۆتىڭ تاپسىرماسى بويىنشا قالا اكىمدىكتەرىمەن بىرلەسە وتىرىپ, تۇرعىندارعا بەتپەردە تاراتۋ جۇمىستارىن باستايتىندارىن مالىمدەدى.
«وزدەرىڭىز بىلەتىندەي, وسىنداي قيىن جاعدايدا حالىقتىڭ الەۋمەتتىك وسال توپتارىنا كومەك كورسەتۋ قاجەت, سول سەبەپتەن جاسوتاندىقتار قالا تۇرعىندارىنا ساقتانۋ قۇرالدارىن تەگىن تاراتا باستادى. اتالعان 5 ملن ماسكا ەلباسى باستاماسىمەن قۇرىلعان ء«بىز بىرگەمىز!» قورى ارقىلى ساتىپ الىندى», دەدى ەلنۇر بەيسەنباەۆ.
سونداي-اق ول نەگىزگى باسىمدىق از قامتىلعان كوپ بالالى وتباسىلارعا, جالعىزباستى قارتتار مەن مۇگەدەكتەرگە باعىتتالاتىنىن اتاپ ءوتتى. ياعني دارىحاناعا بارۋدىڭ ءوزى قيىندىق تۋدىراتىن ازاماتتار ءبىرىنشى كەزەكتە ەسكەرىلەدى. سونىمەن قاتار بەلسەندىلەر وسى اپتادا ازىق-ت ۇلىك تاراتۋدى قايتا باستايدى. سونداي-اق جالعىزباستى زەينەتكەرلەردى ىستىق تاماقپەن قامتاماسىز ەتۋ جۇمىستارى جالعاستىرىلاتىن بولادى. بۇل ءىستىڭ بارلىعى تەك ۆولونتەرلەردىڭ كومەگىمەن ىسكە اسىرىلۋدا. ولار دا بارلىق ساقتانۋ كيىمدەرىمەن, بەتپەردەلەرمەن قامتاماسىز ەتىلگەن.
ء«بىز ەلوردانىڭ 40 000 وتباسىن ماسكامەن قامتاماسىز ەتۋدى جوسپارلاپ وتىرمىز. ءاربىر قوراپتا 50 قورعانىس قۇرالى بار. تەك بۇگىن عانا ءبىز 2 000 وتباسىنا 100 000 بەتپەردە تاراتتىق», دەدى Jas Otan جەتەكشىسى.
19 ناۋرىزدان باستاپ Jas Otan جاستار قاناتىنىڭ 3000-نان استام ەرىكتىسى قازاقستان بويىنشا 56 مىڭنان استام وتباسىن ءبىرىنشى قاجەتتىلىكتەگى ازىق-ت ۇلىكتەرمەن قامتاماسىز ەتۋگە اتسالىستى. كۇن سايىن نۇر-سۇلتان جانە الماتى قالالارىندا ەرىكتىلەر 1200-دەن استام جالعىزباستى زەينەتكەرلەردى ىستىق تاماقپەن قامتاماسىز ەتۋدە. سونداي-اق ولار زەينەتكەرلەرگە ءدارى-دارمەكتەردى جانە قورعانىس قۇرالدارىن جەتكىزۋدى جۇزەگە اسىرۋدا.
تۇڭعىش پرەزيدەنت – ەلباسى, Nur Otan پارتياسىنىڭ توراعاسى ن.ءا.نازارباەۆتىڭ تاپسىرماسى بويىنشا قۇرىلعان ء«بىز بىرگەمىز!» قورى ەلىمىز بويىنشا ازىرگە 152 000 مۇقتاج وتباسىنا 56 000 تەڭگە كولەمىندە اقشالاي كومەك كورسەتتى. نۇر-سۇلتان جانە الماتى قالالارىنىڭ 2000-نان استام دارىگەرىنە دە 50 000 تەڭگە اقشالاي كومەك جىبەرىلدى.