ۇلتتىق بانك اتىراۋ فيليالىنىڭ ەكونوميكالىق تالداۋ جانە ستاتيستيكا ءبولىمىنىڭ باسشىسى ايناگۇل اققۇلوۆانىڭ ءمالىم ەتۋىنشە, تۇرعىندار تولەم كارتوچكالارىمەن ەسەپتەسۋگە بەت بۇرا باستادى. ماسەلەن, بيىلعى 1 ناۋرىزعا دەيىن اينالىمداعى تولەم كارتوچكالارىنىڭ سانى 1 560,7 مىڭ بىرلىكتى قۇراعان.
– ال, كارتوچكا ۇستاۋشىلاردىڭ سانى – 1396,7 مىڭ ادام. وبلىستا 717 تولەم تەرمينالدارى, 582 بانكومات, 5198 POS-تەرمينال جۇمىس ىستەيدى. وتكەن جىلعى سايكەس مەرزىممەن سالىستىرعاندا, بيىلعى ەكى ايدا وبلىستا تولەم كارتوچكالارىن پايدالانۋ ارقىلى قولما-قول اقشاسىز تولەمدەر 7,7 ەسەگە, ال, ونىڭ سوماسى 6,4 ەسەگە ءوسىپ وتىر. ماسەلەن, بيىل قاڭتار-اقپاندا 161,0 ميلليارد تەڭگە سوماسىنا 11 972,7 مىڭ ترانزاكتسيا جاسالعان, - دەيدى ايناگۇل اققۇلوۆا.
جولداسبەك كوشەرباي ۇلى