مەديتسينا ەلدىڭ ەكونوميكاسى مەن الەۋەتىن ارتتىراتىن سالماقتى سالا دەپ بىلەمىن. بۇگىنگى تاڭدا الەم جۇرتشىلىعىن الاڭداتىپ وتىرعان ىندەتكە قارسى كۇش جۇمىلدىرعان كوپتەگەن ەل دارىگەرلەرىنىڭ قادىر-قاسيەتىن تەرەڭ تۇسىنگەندەي بولدى. پاۆلودار وبلىستىق اۋرۋحانادا دارىگەر-ينفەكتسيونيست بولىپ جۇمىس اتقارامىن, جۇمىس ءوتىلىم – 7 جىل.
قازىرگى كۇنى توتەنشە جاعدايلار رەجىمىندە جۇمىس ىستەپ ءجۇرمىز, كارانتيندەمىز. بۇگىن وتباسىمىزدان الىستا جۇرگەنىمىزگە 22 كۇن بولدى. مەنىڭ مىندەتىم – كوروناۆيرۋسقا كۇدىكتەنگەن ناۋقاستى قابىلداۋ, اۋرۋحاناعا جاتقىزۋ, كۇندەلىكتى قاراۋ, ەم تاعايىنداۋ, اۋرۋحانادان شىعارۋ. ءبىزدىڭ ەڭبەگىمىز بەن باتىلدىعىمىزدى باعالاپ, قازىنادان تولەماقى بەرۋگە شەشىم شىعارعان مەملەكەت باسشىسىنا العىسىمىز شەكسىز. دارىگەرلەرگە, اسىرەسە جۇقپالى اۋرۋلارمەن كۇرەسىپ جۇرگەندەرگە ءاردايىم قولداۋ كورسەتىپ, ەڭبەگى باعالانىپ, ولارعا ىلعي دا جاقسى اقشا تولەنۋى كەرەك دەپ ەسەپتەيمىن. سەبەبى ءبىزدىڭ ماماندىعىمىز وتە قاۋىپتى, كۇندەلىكتى ءارتۇرلى جۇقپالى اۋرۋلارمەن بەتپە-بەت كەلىپ جاتامىز.
قىمبات تەمىربەكقىزى,
پاۆلودار وبلىستىق اۋرۋحاناسىنىڭ دارىگەر-ينفەكتسيونيسى