تەمىر جول ينفراقۇرىلىمىن دامىتۋ – «قازاقستان تەمىر جولى» ۇك» اق باسىم باعىتتارىنىڭ ءبىرى. بيىل 416 شاقىرىم شويىن جولى كۇردەلى جوندەۋدەن وتپەك.
جۇمىستار 6 ساۋىردە – بەسكول جول ديستانتسياسىنىڭ دوستىق – اقتوعاي ۋچاسكەسىندە باستالدى. جوسپارداعى 23,8 شاقىرىم جولدىڭ 3,5 شاقىرىمى جوندەلدى. 13 ساۋىردەن باستاپ جۇمىستار ەلىمىزدىڭ باتىسىندا – قاندىاعاش جول ديستانتسياسىنىڭ قاندىاعاش – ساعىز ۋچاسكەسىندە باستاۋ الدى.
ءار نىساندا 80 جۇمىسشى جانە 30 مەحانيزاتور جۇمىلدىرىلعان. جوندەۋ پويىزدارى, كراندار, مپد جانە ۋسو تەمىر جول پلاتفورمالارى, اۋىر ءتيپتى جول ماشينالارى جانە وزگە دە تەحنيكالار قولدانىلۋدا. ىسكە كىرىسكەن مەردىگەر ۇيىمدار – «Integra Construction KZ» جشس جانە «تەمىرجول جوندەۋ» جشس.
– جۇمىس توقتاۋسىز, شتاتتىق رەجىمدە جۇرۋدە. كوروناۆيرۋس ىندەتىمەن كۇرەسۋ شەڭبەرىندە قابىلدانعان بارلىق قاۋىپسىزدىك شارالارى نازارعا الىنعان, – دەدى «ماگيسترالدىق جەلى ديرەكتسياسى» فيليالىنىڭ جول جانە قۇرىلىستار دەپارتامەنتىنىڭ جولداردى كۇردەلى جوندەۋ ءبولىمىنىڭ باسشىسى بەرىك احانوۆ.