مەملەكەت باسشىسى ق.توقاەۆ توتەنشە جاعداي جونىندەگى مەملەكەتتىك كوميسسيانىڭ وتىرىسىندا سويلەگەن سوزىندە قازاقستاندىقتاردىڭ الەۋمەتتىك ءال-اۋقاتى, ەكونوميكالىق جاعداي تۇتاستاي العاندا ءالى دە كۇردەلى ەكەندىگىن اتاپ ءوتتى.
15 ءساۋىر كۇنى توتەنشە جاعداي ەنگىزۋ تۋرالى پرەزيدەنت جارلىعىنىڭ مەرزىمى اياقتالادى. بىراق ىندەتتىڭ تارالۋى مەن ادامدار قازاسىنىڭ ستاتيستيكاسى توتەنشە جاعداي رەجىمىن كەم دەگەندە ءساۋىر ايىنىڭ سوڭىنا دەيىن سوزۋعا تۋرا كەلەتىنىن ايقىن بايقاتتى. كوروناۆيرۋس اۋرۋىنىڭ شارىقتاۋ شەگىنەن ءالى وتكەن جوقپىز. وسى سەبەپتى پرەزيدەنت ەلوردا, الماتى, شىمكەنت قالالارىندا جانە ءتيىستى وبلىستاردا كارانتين رەجىمىن ءساۋىر ايىنىڭ سوڭىنا دەيىن ۇزارتۋدى تاپسىردى.
بارلىعىمىزدىڭ ادەتتەگى ءومىرىمىزدى قالپىنا كەلتىرىپ, ۇيدەن شىققىمىز كەلەتىنىن تۇسىنە وتىرىپ, مەملەكەت باسشىسى كارانتيندى, ءوزىن-ءوزى وقشاۋلاۋ ءتارتىبىن ساقتاۋدان باسقا امال جوق بولعاندىقتان بۇل قيىن شەشىمدى قابىلداۋعا ءماجبۇر بولدى. پرەزيدەنتتىڭ ءاربىر سوزىندە جاعدايدىڭ قانشالىقتى ماڭىزدى ەكەندىگىن, ماسەلەگە جەڭىل-جەلپى قاراۋعا بولمايتىندىعىن بايقاتتى. سوندىقتان دا ق.كتوقاەۆتىڭ ايتۋىنشا, كارانتين كەزىندە ءبىز ازاماتتاردان ۇيدە بولۋدى تالاپ ەتەمىز. ءيا, وقشاۋلانۋ وڭاي ەمەس, ءبىزدىڭ ومىرىمىزدە بۇنداي جاعداي بۇرىن ورىن الماعان. بىراق بۇل وتە قاجەتتى شارا, وكىنىشكە قاراي باسقا جول جوق. بۇل وتاندىق جانە حالىقارالىق ۆيرۋسولوگ مامانداردىڭ ۇسىنىستارى. بۇلاي جاساماساق, پرەزيدەنت ايتپاقشى جاعدايدى ۋشىقتىرىپ الامىز, ىندەت بەلەڭ الىپ, بارشا ۇلتىمىزدىڭ دەنساۋلىعىنا, سونداي-اق ۇلتتىق قاۋىپسىزدىككە قاۋىپ تونەدى.
بۇگىندە شاعىن جانە ورتا بيزنەستىڭ جاعدايىنا الاڭداۋشىلىق ءبىلدىرۋ دۇرىس, بىراق ەگەر ءبىز ز ۇلىم ۆيرۋستىڭ تارالۋ قاۋپىن جەڭە الماساق, وندا شوب جانە بۇكىل ەكونوميكانىڭ مۇددەلەرى ءوز ماڭىزىن جوعالتادى.
سونىمەن بىرگە ۇكىمەتكە اكىمدەرمەن تىعىز بايلانىس ورناتا وتىرىپ, ەلىمىزدىڭ ەكى ءىرى قالاسىندا شاعىن جانە ورتا بيزنەستى توقىراۋدان بىرتىندەپ وركەندەۋگە الىپ شىعۋ ءۇشىن, ەڭ الدىمەن ولاردىڭ ارقايسىسىمەن جەكە-جەكە جۇيەلى جۇمىس جۇرگىزۋدى تاپسىردى. بۇعان دەيىن ايتىلعان بارلىق ۇسىنىستاردى ەسكەرۋ قاجەت.
ءبىزدىڭ الدىمىزدا ەكى مىندەت تۇر – ازاماتتارىمىزدىڭ دەنساۋلىعى ءۇشىن كارانتيندى ساقتاۋ, سونىمەن بىرگە كاسىپورىنداردى جەكە-جەكە جۇمىس رەجىمىنە اۋىستىرۋ.
سونداي-اق بۇل ۇلكەن قاۋىپ ەكەنىن ءتۇسىنۋ كەرەك. بۇل جاعدايدا وبلىستار مەن ورتالىققا باعىنىستاعى قالالار باسشىلارىنىڭ جاۋاپكەرشىلىگى بىرنەشە ەسە ارتادى. پرەزيدەنت اتقارۋشى بيلىكتەن شەشىمدەردى ازىرلەۋ مەن قابىلداۋدا بايىپتى بولۋدى جانە بەرىلگەن تاپسىرمالاردى ورىنداۋدا بارىنشا جاۋاپكەرشىلىكتى كۇشەيتۋدى تالاپ ەتتى.
مەملەكەت باسشىسى وسى قيىن-قىستاۋ كەزەڭدە ءوز ءىس-ارەكەتىندە مىقتى, ەرىك-جىگەرلى, جاۋاپكەرشىلىكتى جانە بايسالدى كوشباسشىنىڭ شىنايى قاسيەتتەرىن كورسەتە وتىرىپ, تەرەڭ ادامگەرشىلىك تانىتتى. پرەزيدەنت حالىقتىڭ بارلىق شاعىمدارىنان حاباردار. سونىمەن بىرگە داعدارىس بارلىق كەمشىلىكتەردى كورسەتۋمەن قاتار, ونىڭ ءبىز پايدالانۋىمىز قاجەت ۇلكەن مۇمكىندىك ەكەنىن دە بايقاتتى. سونداي-اق كەمشىلىكتەردى دە ۋاقتىلى تۇزەتۋ قاجەت. پرەزيدەنت ەلدىڭ بارلىق ازاماتتارىنا تۇسىنىستىك, شىدامدىلىق پەن تاباندىلىق كورسەتكەنى ءۇشىن العىس ءبىلدىردى.
زارەما شاۋكەنوۆا,
قازاقستان رەسپۋبليكاسى پرەزيدەنتى جانىنداعى قسزي ديرەكتورى