ەلباسى قازىرگى قيىن قىستاۋ كەزەڭدە, كۇللى الەم, ونىڭ ىشىندە ءبىزدىڭ ەلىمىز پاندەميامەن جاپپاي كۇرەس جۇرگىزىپ جاتقان تۇستا اقىل-ويىمەن, كوپجىلدىق تاجىريبەسىمەن ءبولىسىپ, جول كورسەتىپ, قازاقستاندىقتاردى شىنايى بىرلىككە شاقىردى. كۇنى كەشە جارىق كورگەن ماقالا ستراتەگيالىق قۇجات, ۇندەۋ نەمەسە جاڭا رەفورما ەمەس, قاراپايىم حالىققا تۇسىنىكتى تىلمەن جازىلىپ, وي ەلەگىنەن وتكەن اق تىلەۋلى ءسوز.
بىرىنشىدەن, ماقالانى وقىپ وتىرىپ عابيت مۇسىرەپوۆتىڭ «وتكەندى بىلمەي, كەلەشەكتى ءبىلۋ مۇمكىن ەمەس. وتكەننىڭ پارقىن بىلگەن, بۇگىننىڭ نارقىن ۇعادى», دەگەن ۇلاعاتتى ءسوزى ويعا كەلەدى. راسىمەن دە, ەگەمەندىك العان تۇستان باستاپ جۇزەگە اسقان اۋقىمدى جۇمىستار مەن ەلەۋلى جوبالار مەملەكەتىمىزدى الەمگە تانىتىپ, وركەنيەتتى ەلدەردىڭ قاتارىنا قوستى. بۇل وقيعالار ەڭسەسىن ەندى كوتەرىپ, ەكونوميكالىق تىعىرىقتان جول ىزدەۋگە تىرىسقان قازاقستان ءۇشىن وڭاي بولماعانى انىق.
بىزدەگى تۇراقتىلىق پەن بەيبىتشىلىكتى كورگەن شەتەلدىك ينۆەستورلار ءوز قاراجاتىن ەل ەكونوميكاسىنىڭ دامۋىنا باعىتتادى. قىسقا مەرزىم ىشىندە ەلباسىنىڭ سول جىلدارداعى كورەگەن, ساليقالى ساياساتىنىڭ ارقاسىندا ۇلتتىق قوردىڭ نەگىزى قالانىپ, بولاشاقتىڭ قامى جاساقتالعانى جايلى ماقالادا جاقسى باياندالعان. جوسپارلى تۇردە جۇزەگە اسقان رەفورمالار مەن ماڭىزدى شەشىمدەر قازىرگى قيىن ساتتە ەكونوميكامىز ءۇشىن قورعانىش قالقانى بولىپ وتىر.
ەكىنشىدەن, تاريح بەتتەرىنە كوز جۇگىرتەر بولساق, ءبىزدىڭ اتا-بابالارىمىز سان ءتۇرلى قيىندىقتى باستان كەشىرىپ, ەلدىگىن تۇتاستىق پەن بىرلىك ارقاسىندا ساقتاپ قالعانى تۋرالى ماقالادا ءدوپ باسىپ ايتىلعان. بىرلىك جايىندا ءسوز بولعاندا تولە ءبيدىڭ انەت باباعا «بىرلىگى بار ەلدى جاۋ دا, داۋ دا الا المايدى. ونسىز تىرلىك جوق!» دەگەن جاۋابى ناقتى مىسال بولماق.
شىنىمەن, ۇلت ساۋلىعىنا قاتەر توندىرگەن جاھاندىق پاندەميانى توقتاتۋ ماقساتىندا جالپى قوعام بولىپ, جۇدىرىقتاي جۇمىلىپ, اركىم ءوز سالاسىندا ايانباي ەڭبەك ەتىپ, ءبىر ادامداي ۇلەسىن قوسىپ جاتقانىنا ەلباسى جوعارى باعا بەرىپ, ءوز جالعاسىن تاباتىندىعىنا سەنىم بىلدىرگەن.
سونداي-اق ەلباسى Nur Otan پارتياسى تاراپىنان مۇقتاج جاندارعا ارنايى قاراجات ءبولىپ, «بىرگەمىز» قورىن اشۋ تۋرالى ۇسىنىسى تاۋەلسىزدىك جىلدارى كوتەرىلگەن قالتالى ازاماتتاردان ءبىراۋىزدان قولداۋ تاۋىپ ۇلگەردى. بۇل باستاما پرەزيدەنتىمىز قاسىم-جومارت كەمەل ۇلى جۇرگىزىپ جاتقان الەۋمەتتىك كومەك ساياساتىنا ايتارلىقتاي دەمەۋ بولىپ وتىر. اينالىپ كەلگەندە جاسالىپ جاتقان تىرلىكتىڭ بارلىعى ءبىزدىڭ مىزعىماس بىرلىگىمىزدىڭ ارقاسى.
«توقسان اۋىز ءسوزدىڭ توبىقتاي ءتۇيىنى» – الاۋىزدىققا جول بەرمەۋ, سابىرلىق پەن شىدامدىلىق تانىتۋ. «اققۋ, شورتان ءھام شايان» كەيپىنە تۇسپەي, سىناقتان سۇرىنبەي ءوتۋ, ءىس جۇزىندەگى بىرلىكتى كورسەتۋ. «ايداعانى بەس ەشكى, ىسقىرىعى جەر جاراتىن» ارانداتۋشىلاردىڭ ايتاعىنا ەرمەي, رەسمي اقپاراتقا سەنۋ.
ەلباسى ويىن اياقتاي كەلە زيالى قاۋىم وكىلدەرىنە, جاستارعا, كاسىپكەرلەرگە ءوز ءسوزىن ارناپ ۇرپاقتار ساباقتاستىعىنىڭ ماڭىزىن اتاپ كورسەتكەن.
مادي احمەتوۆ,
الماتى قالالىق «جاس وتان» جاستار قاناتىنىڭ توراعاسى