تۇتىنۋشىلار ينتەرنەتكە بايلانىستى ماسەلەلەرىن digital-ارنالار مەن بىرىڭعاي بايلانىس ورتالىعىنا حابارلاسىپ شەشە الادى. بۇل تۋرالى «قازاقتەلەكوم» اق باسقارما توراعاسى قۋانىشبەك ەسەكەەۆ ءمالىم ەتتى.
«وكىنىشكە قاراي, ءبىز قازاقستاننىڭ كارانتينگە جابىلعان 18 قالاسىنداعى ابونەنتتىك بولىمشەلەردى جابۋعا ءماجبۇر بولدىق. باسقا ەلدى مەكەندەردە جۇمىس ىستەۋدى جالعاستىرامىز, بىراق جاعداي كۇردەلەنەتىن بولسا, ول بولىمشەلەردى دە جابامىز. بولىمشەلەر جابىلعانىمەن, ءبىزدىڭ كليەنتتەر ءوز ماسەلەلەرىن digital-ارنالار مەن بىرىڭعاي بايلانىس ورتالىعىنا حابارلاسىپ شەشە الادى», دەدى «قازاقتەلەكوم» اق باسقارما توراعاسى قۋانىشبەك ەسەكەەۆ.
ونىڭ ايتۋىنشا, كارانتين كەزىندە ينتەرنەت تۇتىنۋشىلارىنىڭ سانى ەداۋىر ارتۋىنا بايلانىستى وپەراتورلاردىڭ سانى ەكى ەسەگە ارتقان.
«بايلانىس-ورتالىقتارىنىڭ جۇمىس رەجيمى وزگەرىسسىز قالادى. WhatsApp جانە Telegram مەسسەندجەرلەرىندە, سونداي-اق telecom.kz پورتالىندا كۇن سايىن ساعات 08.00-دەن 23.00-گە دەيىن ونلاين-كەڭەستەر بەرىلەدى. بارلىق بايلانىس ارنالارى كليەنتتەردىڭ سۇرانىستارىن جىلدام ءارى رەجيمدى بۇزباي شەشۋگە كومەكتەسەدى. سونداي-اق پايدالانۋشىنىڭ telecom.kz-تەگى جەكە شوتىنىڭ مۇمكىندىكتەرى كەڭەيتىلدى», دەدى ول.