15 ءساۋىر كۇنى نۇر-سۇلتان قالاسىندا كوروناۆيرۋس ينفەكتسياسىمەن (COVID-19) كۇرەسۋ ماقساتىندا بيوماتەريالدى جيناۋشى العاشقى ءموبيلدى بەكەت ىسكە قوسىلدى. بەكەتتەردىڭ بازاسى ارقىلى تەگىن ەكسپرەسس-تەستىلەۋدەن جانە پتر ادىستەمەسىمەن اناليزدەن وتۋگە بولادى.
اتالعان شارا ينفەكتسيا جۇقتىرعان ادامداردى ۋاقىتىندا انىقتاپ, ولاردى ەمدەۋگە جانە اۋرۋدىڭ ادامدار اراسىندا ءارى قاراي تارالۋىنا جول بەرمەۋگە مۇمكىندىك بەرەدى.
«Aitas KZ» اق جوبانىڭ دەمەۋشىسى بولا وتىرىپ, جيناۋشى ءموبيلدى بەكەتتى ىسكە قوسۋ ءۇشىن 39 ميلليون تەڭگە ءبولىپ وتىر. جوبانىڭ وپەراتورى – «وليمپ كلينيكالىق-دياگنوستيكالىق زەرتحانالارى» («وليمپ كدز»).
ء«بىز سىزدەرمەن بىرگە الەمدەگى جانە قازاقستانداعى احۋالدى كورىپ, باقىلاپ وتىرمىز. COVID-19 اۋرۋىمەن كۇرەسۋدەگى تاجىريبە كورسەتىپ وتىرعانداي, ەڭ ءتيىمدى شارالاردىڭ ءبىرى – ينفەكتسيا جۇقتىرعان ازاماتتاردى دەر كەزىندە انىقتاۋ, ولاردى جانە ولارمەن بايلانىستا بولعان ادامداردى ارى قاراي وقشاۋلاۋ. ءبىزدىڭ «وليمپ كدز»-مەن بىرلەسكەن جوبامىز بۇل پروتسەستى جەدەلدەتىپ, ۆيرۋستىڭ تارالۋ وشاقتارىندا ۋاقىتىلى شارا قابىلداۋعا جول اشادى. العاشقى ءموبيلدى بەكەتتەر قازاقستاننىڭ ءتورت قالاسىندا, نۇر-سۇلتان, كوكشەتاۋ, وسكەمەن جانە سەمەي قالالارىندا اپتانىڭ اياعىنا دەيىن اشىلادى», دەدى «Aitas KZ» اق باس ديرەكتورى سەرىك تولىقپاەۆ.
بيوماتەريال جيناۋشى ءموبيلدى بەكەتتەردى قۇرۋ ارقىلى ۆيرۋستىڭ تارالۋ قاۋپىن بارىنشا ازايتۋعا مۇمكىندىك بار. جيناۋشى ءموبيلدى بەكەتتەردى اشىق كەڭىستىكتە, نىسانداردان تىس ءارى ەمدەۋ-الدىن الۋ مەكەمەلەرىنە جاقىن جەرگە ورنالاستىرۋعا بولادى.
ادامداردى سول بەكەتتەرگە بەلگىلى ءبىر ۋاقىتتا, باسقا پاتسيەنتتەرمەن جاقىنداسا قويمايتىن جاعدايدا شاقىرادى. سونىمەن قاتار كەزەكتە تۇرۋدىڭ قاجەتتىگى بولمايدى. ءاربىر پاتسيەنتتەن كەيىن سانيتارلىق تازارتۋ جۇمىسى جۇرگىزىلەدى. بەكەتتىڭ مەديتسينالىق پەرسونالى پاتسيەنتپەن جاقىنداسپاي, بايلانىس ميكروفون ارقىلى, ال پتر ءاناليزى ءۇشىن بايلانىس – جەڭ ارقىلى ورناتىلادى.
1 بوكستىڭ وتكىزۋ قابىلەتى – 1 ساعاتتا 12 ادامعا جەتەدى. جۇمىس كەستەسى: 2 اۋىسىم بويىنشا 7 ساعات (كۇن سايىن تاڭەرتەڭ ساعات 8-دەن باستاپ). شتاتتا 4 مامان: مەدبيكە, تىركەۋشى, سانيتار قىزمەت اتقارادى.
جوبانى جۇزەگە اسىرۋ ءۇشىن «Aitas KZ» اق قازاقستاننىڭ ءتورت قالاسى ءۇشىن (نۇر-سۇلتان, كوكشەتاۋ, سەمەي جانە وسكەمەن) 50 مىڭ ەكسپرەسس-تەستتى ساتىپ الىپ قويعان.
بۇعان قوسىمشا «Aitas KZ» اق ايماقتار ءۇشىن 6 بىردەي وكپەنى جاساندى جەلدەتۋ اپپاراتىن ء(وجج – يۆل) جانە دەزينفەكتسياعا ارنالعان 38 دانا بۇركۋشى ساتىپ الىپ وتىر.
كوروناۆيرۋس بويىنشا ءاناليزدى پاتسيەنتتەر cdl.kz سايتىنداعى اناليز وتكىزۋ بولىمىنە ءوتىنىم قالدىرىپ, تەگىن تاپسىرا الادى. ەگەر ازامات قاۋىپ اۋماعىندا بولسا, وندا ول مىندەتتى تۇردە شاقىرىلادى. تەكسەرىستەن وتەتىن ادامداردىڭ ءتىزىمى دەنساۋلىق ساقتاۋ مينيسترلىگى مەن جەرگىلىكتى اتقارۋشى ورگاندارمەن بىرلەسە جاسالادى.
ەكسپرەسس-تەستىلەۋ مەن پتر زەرتتەۋ بويىنشا بيوماتەريالدى جيناۋ ءتارتىبى:
جوبانى دەنساۋلىق ساقتاۋ مينيسترلىگى مەن نۇر-سۇلتان, كوكشەتاۋ, سەمەي جانە وسكەمەن قالالارىنىڭ اكىمدىگىنىڭ قولداۋىمەن «Aitas KZ» اق مەن «وليمپ كدز» بىرلەسە جۇزەگە اسىرۋدا.
ەسكە سالا كەتەيىك, «Aitas KZ» اق بۇدان بۇرىن COVID-19 كوروناۆيرۋس ينفەكتسياسىنا قارسى كۇرەس ءۇشىن 213 ميلليون تەڭگە بولگەن بولاتىن. جيناۋشى ءموبيلدى بەكەتتەردى ىسكە قوسۋ جوباسى اتالعان سوما اياسىندا ىسكە اسىرىلعان. كومپانيا قازاقستاندا تج رەجيمىنىڭ ەنگىزىلۋىنە بايلانىستى بىرقاتار شارانى قابىلداعان ەدى. اتاپ ايتقاندا كومپانيا «كۋس&ۆكۋس» برەندتى ونىمدەردىڭ باعاسىن وسىرمەي, تج جاعدايىندا وندىرىستىك حولدينگتى باسقارۋدى ۇيىمداستىرۋ بويىنشا كومپانيانىڭ قۇجاتتارىنىڭ https://aitas.kz سايتىنا اشىق جاريالادى. حالىقتى ۇزدىكسىز قامتاماسىز ەتۋ ءۇشىن 1000 توننالىق ازايمايتىن ەت قالدىعىن ساقتاپ, كارانتين مەن بيزنەس جوق اۋماقتاردا ۆولونتەرلىق شتابتار قۇردى.