اتىراۋ وبلىسىندا بالىق قورىن زاڭسىز اۋلاۋ تىيىلار ەمەس. بادىق قورىنا «بارىمتا» جاساۋشىلار ينسپەكتورلارعا قارسىلىق تا تانىتادى. سونداي وقيعانىڭ بىرىنە قاتىسۋشىلاردىڭ موتوتسيكلدى ورتەپ جىبەرگەنى جايلى ۆيدەو الەۋمەتتىك جەلىدە تارادى.
ۆيدەودا بۇل وقيعانىڭ 14 ساۋىردە بولعانى ايتىلعادى. ءتورت جىگىت ينسپەكتورلارعا قارسىلىق تانىتىپ, بىرەۋى موتوتسيكلدى ورتەپ جىبەرگەن.
وقيعا جايىق وزەنى ساعالارىنىڭ ءبىرىنىڭ جاعاسىندا بولعان. ورتەنىپ جاتقان موتوتسيكلدىڭ جانىندا بالىقتار شاشىلىپ جاتىر.
–پوليتسيا قىزمەتكەرلەرى الەۋمەتتىك جەلىلەردە تاراتىلعان ۆيدەوداعى بالىق قورعاۋ ينسپەكتسياسىنىڭ قىزمەتكەرلەرىنە باعىنباعان بەلگىسىز ازاماتتاردى انىقتادى. قازىر قر قىلمىستىق كودەكسىنىڭ 335-بابى (بالىق رەسۋرستارىن, باسقا سۋ جانۋارلارىن زاڭسىز الۋ) جانە 379-بابىمەن (بيلىك وكىلىنە باعىنباۋ) سوتقا دەيىنگى تەرگەۋ جۇرگىزىلۋدە, دەپ حابارلادى اتىراۋ وبلىستىق پوليتسيا دەپارتامەنتىنىڭ ءباسپاسوز قىزمەتى.
جۇماسات عازيز