قۇرمەتتى وتانداستارىم!
ەلىمىزدە العاش رەت وتباسى كۇنى بەكىتىلدى, ول قازاقستاندا جىل سايىن قىركۇيەكتىڭ ەكىنشى جەكسەنبىسىندە اتاپ وتىلەتىن بولادى.
مەن بارلىق قازاقستاندىقتاردى شىن جۇرەكتەن جاڭا مەرەكەمەن قۇتتىقتايمىن!
ءبىزدىڭ قوعامدا وتباسى ارقاشاندا رۋحاني جانە مادەني داستۇرلەردىڭ ساقتاۋشىسى, ءتۇرلى بۋىندار اراسىن جالعاستىرۋشى بولدى جانە سولاي بولىپ قالا بەرمەك.
وتباسى كۇنى ءبىزدىڭ قوعامىمىزدا رۋحانيلىقتى, ونەگەلىلىكتى نىعايتۋعا, ەرلى-زايىپتىلار جاۋاپكەرشىلىگىنىڭ ماڭىزدىلىعىن ءسوزسىز مويىنداۋعا ىقپال ەتەدى.
وتانعا دەگەن سۇيىسپەنشىلىك وتباسىنان باستالادى. تۋعان شاڭىراقتان العان تاربيە – بۇل بارشا حالقىمىزدىڭ باقۋاتتى دا تابىستى بولاشاعىنىڭ كەپىلى.
وتباسىلىق قۇندىلىقتاردى, كوپبالالىقتى ناسيحاتتاۋ – ءبىزدىڭ مەملەكەتىمىزدىڭ ەڭ باستى مىندەتتەرىنىڭ ءبىرى. تاۋەلسىزدىك جىلدارى 6 ميلليوننان اسا قازاقستاندىق دۇنيە ەسىگىن اشتى. ال ەلىمىز ازاماتتارىنىڭ جالپى سانى 17 ميلليوننان استى. بۇل قازاقستان رەسپۋبليكاسىنداعى وتباسىلىق-دەموگرافيالىق ساياساتتىڭ دۇرىستىعىنىڭ, حالقىمىزدىڭ ءال-اۋقاتىنىڭ ارتقاندىعىنىڭ بارىنشا ايعاعى.
وتباسى كۇنى بارشا قازاقستاندىقتارعا اماندىق جانە باياندى وتباسىلىق باقىت تىلەيمىن. ءاربىر قازاقستاندىق وتباسىنىڭ وركەندەۋىمەن ءبىزدىڭ قازاقستانىمىز, ءبىزدىڭ وتانىمىز نىعايا بەرسىن.
نۇرسۇلتان نازارباەۆ.